পাঠশালাত বিদ্যুৎস্পৃষ্ট হৈ যুৱকৰ শোকাৱহ মৃত্যু
![](https://mynewsne.com/wp-content/uploads/2020/06/pathsala.jpg)
নেৰানেপেৰা বৰষুণ আৰু চাৰিওফালে বানপানীৰ আতংকৰ মাজতে পাঠশালাৰ মাজমজিয়াত বিদ্যুৎস্পৃষ্ট হৈ কৰুণ মৃত্যুক আঁকোৱালি লয় এগৰাকী ব্যক্তিয়ে৷ পাঠশালা শৰ্মা টকীজ নামৰ চিনেমা হলটোত দীৰ্ঘদিন ধৰি এজন কৰ্মচাৰী হিচাপে কাম কৰি থকা পাঠশালা ৰূপনগৰৰ ৪০ বছৰীয়া বিজয় দাসে আন দিনাখনৰ দৰে হলটোত থাকে যদিও দেওবাৰে সন্ধিয়াৰ পৰা তেওঁ সন্ধানহীন হৈ আছিল৷ সোমবাৰে পুৱা বিজয়ৰ নিথৰ দেহ চিনেমা হলৰ পিছপিনে থকা ডিজি মেচিনৰ ওচৰত প্ৰত্যক্ষ কৰে স্থানীয় ৰাইজে। উদ্ধাৰ কৰা সময়তো বিজয়ৰ ভৰিত বিদ্যুতৰ তাঁৰ লাগি থকা প্ৰত্যক্ষ কৰে একাংশই। পিছত বিজয়ৰ নিথৰ দেহ মৰণোত্তৰ পৰীক্ষাৰ বাবে বৰপেটা ফকৰুদ্দিন আলী আহমেদ মেডিকেল কলেজলৈ প্ৰেৰণ কৰা হয়।