Nitish Kumar, Tejashwi Yadav take same flight to Delhi amid coalition suspense : একেখন বিমানতে দিল্লীলৈ ৰাওনা নীতিশ কুমাৰ আৰু তেজস্বী যাদৱৰ
![](https://mynewsne.com/wp-content/uploads/2024/06/noname-69-750x430.jpg)
নেশ্যনেল ডেস্ক,৫জুন : মঙলবাৰে ঘোষণা হ’ল ২০২৪ চনৰ লোকসভা নিৰ্বাচন । এইবাৰ লোকসভাত বিহাৰৰ NDAয়ে জয়লাভ কৰে ৪০ খন আসনৰ ভিতৰত ৩০ খন আসনত । আনহাতে, মুখ্যমন্ত্ৰী নীতিশ কুমাৰৰ দল JDUয়ে ১২ খন আসনত সফলতা লাভ কৰিছে। ইফালে,
লোকসভা নিৰ্বাচনৰ ফলাফলৰ পিছতে দিল্লীলৈ ৰাওনা নীতিশ কুমাৰৰ । NDAৰ বৈঠকত অংশগ্ৰহণ কৰিবলৈ দিল্লীলৈ গৈ আছে নীতিশ কুমাৰ। পাটনাৰ পৰা ভিস্তাৰা ইউ কে-৭১৮ৰ একেখন বিমানেৰে দিল্লীলৈ ৰাওনা হৈছে নীতিশ কুমাৰ আৰু তেজস্বী যাদৱ(Nitish Kumar, Tejashwi Yadav take same flight to Delhi amid coalition suspense)।
আজি দিল্লীত NDA আৰু I.N.D.I. মিত্ৰজোঁটৰ বৈঠক। মুখ্যমন্ত্ৰী নীতিশ কুমাৰ আৰু বিৰোধী দলপতি তেজস্বী যাদৱ ভিস্তাৰা বিমানত দিল্লী অভিমুখে ৰাওনা হৈছে। উল্লেখযোগ্য যে, নিৰ্বাচনৰ ফলাফলৰ পিছত প্ৰথমবাৰৰ বাবে একেলগে দেখা গ’ল নীতিশ কুমাৰ আৰু তেজস্বী যাদৱক। একেখন বিমানতে নীতিশ কুমাৰ আৰু তেজস্বী যাদৱ একেলগে দিল্লীলৈ যোৱাৰ পাছত দেশৰ ৰাজনীতিত বহু জল্পনা-কল্পনা আৰম্ভ হৈছে। কালি যিদৰে ফলাফল আহিল আৰু সংখ্যাগৰিষ্ঠতাৰ সংখ্যা অতি কম আছিল, তাৰ পিছত বিৰোধীয়ে নীতিশ কুমাৰক আক্ৰমণ কৰিছে আৰু তেওঁক উপ-প্ৰধানমন্ত্ৰী কৰাৰ কথাও উত্থাপন হ’বলৈ আৰম্ভ কৰিছে।
উল্লেখযোগ্য যে, লোকসভা নিৰ্বাচনৰ ফলাফলৰ পিছত দিল্লীৰ পৰা বিহাৰলৈকে তীব্ৰ ৰাজনৈতিক কাৰ্যকলাপ চলিছে। এতিয়া বিহাৰৰ মুখ্যমন্ত্ৰী নীতিশ কুমাৰক সাক্ষাৎ কৰিবলৈ আহিছে ললন সিং। মুংগেৰৰ পৰা জয়ী হোৱাৰ পিছত প্ৰথমবাৰৰ বাবে নীতিশ কুমাৰক লগ কৰিবলৈ আহিছে ললন সিং। দিল্লীলৈ যোৱাৰ পূৰ্বে নীতিশ কুমাৰে নিজৰ দলৰ শীৰ্ষ আৰু গুৰুত্বপূৰ্ণ নেতাসকলক সাক্ষাৎ কৰি আছে। মুখ্যমন্ত্ৰী নীতিশক সাক্ষাৎ কৰিবলৈ JDUৰ ৰাজ্যসভাৰ সাংসদ সঞ্জয় ঝাও মুখ্যমন্ত্ৰীৰ বাসগৃহত উপস্থিত হয়।