নেশ্যনেল ডেস্ক, ২৫ছেপ্টেম্বৰ : দেশত ক্ৰমাৎ বৃদ্ধি পাবলৈ ধৰিছে অপৰাধজনিত ঘটনাৰ ৷ মধ্যপ্ৰদেশৰ সিধিৰ দৰে এইবাৰ বিহাৰৰ ৰাজধানী পাটনাটো সংঘটিত হৈছে অনুৰূপ ঘটনা(Patna Urinating Case) ৷
পোহৰলৈ আহিছে মানৱ সমাজক লজ্জানত কৰা এক ঘটনাৰ । এগৰাকী মহিলাৰ মুখত প্ৰস্ৰাৱ কৰাৰ অভিযোগ কেইবাগৰাকীলোকৰ ওপৰত । সংকটজনক অৱস্থাত মহিলাগৰাকীক চিকিৎসালয়ত ভৰ্তি কৰোৱা হয় ।
এই ঘটনা সংঘটিত হৈছে পাটনাৰ খুচৰুপুৰ থানা এলেকাত । জানিব পৰা মতে আৰক্ষীয়ে এই ঘটনাক অস্বীকাৰ কৰিছে(Mahadalit Woman Stripped And Urinated Upon In Patna Village)।
আৰক্ষীয়ে জনোৱা মতে, ধনৰ লেনদেনৰ বাবে মহিলাগৰাকীক নিৰ্যাতন চলোৱা হৈছিল । আৰক্ষীৰ তদন্তত পোহৰলৈ আহিছে যে মহিলাগৰাকীয়ে টকাখিনি ঘূৰাই দিছিল । কিন্তু তেওঁ আন কাৰোবাকো কিছু টকা দিছিল, যিখিনি ঘূৰাই দিবলৈ হেঁচা প্ৰয়োগ কৰা হৈছিল । কিন্তু, মহিলাগৰাকীৰ কাপোৰ খুলি তাইৰ ওপৰত প্ৰস্ৰাৱ কৰা বুলি মিছা অভিযোগ কৰিছিল ।”
উল্লেখ্য যে, চিকিৎসালয়ত ভৰ্তি ভুক্তভোগী মহিলাগৰাকীৰ মতে শনিবাৰে নিশা প্ৰায় ১০মান বজাত পুত্ৰ আৰু চাৰিজন সহযোগীৰ সৈতে গাঁৱৰ এজন গুণ্ডা তেওঁৰ ঘৰলৈ আহিছিল । বলপূৰ্বকভাৱে মহিলাগৰাকীক দলটোৱে নিজ ঘৰলৈ লৈ যায় । মহিলাগৰাকীৰ লৈ গৈ কাপোৰ খুলি লাঠিৰে প্ৰহাৰ কৰে । ইয়াৰ পিছত তেওঁ পুত্ৰক মহিলাগৰাকীৰ মুখত প্ৰস্ৰাৱ কৰিবলৈ কয় । কিন্তু মহিলাগৰাকীয়ে নিজৰ জীৱনটো বচায় সেই ঠাইৰ পৰা পলাবলৈ সক্ষম হয় বুলি ভুক্তভোগীয়ে কয় (Dalit Woman Stripped Naked, Urinated Upon Over ₹ 1,500 Loan In Bihar) ।
ঘটনাৰ সম্পৰ্কে ভুক্তভোগীক সোধাত ভুক্তবোগীয়ে কয় যে এয়া ধনৰ লেনদেনৰ সমস্যা । পৰিয়ালৰ এজন সদস্যই জনোৱা মতে, মহিলাগৰাকীয়ে সুতত ১৫০০ টকা লৈছিল । কিন্তু ভুক্তভোগীয়ে ইতিমধ্যে সুত আৰু মূলধন ঘূৰাই দিছে । ইয়াৰ পিছতো অধিক ধন ওভতাই পাম বুলি দমক দি মহিলাগৰাকীক টকা ওভতাই দিবলৈ কয় আৰু টকা ওভতাই নিদিলে উলংগ কৰি পেৰেড কৰাৰ ভাবুকি প্ৰদান কৰে গুণ্ডাৰ দলে ।
ভুক্তভোগী মহিলাগৰাকীয়ে জনোৱা মতে, তেওঁক ফোন কৰি এই বিষয়ে আৰক্ষীক অৱগত কৰিছিল । আৰক্ষীয়ে আহি এই বিষয়ে সোধা-পোছা কৰিলে কিন্তু কোনো ধৰণৰ ব্যৱস্থা গ্ৰহণ নকৰিলে । আৰু অভিযুক্তক মুকলি কৰি দিয়ে । ভুক্তভোগী মহিলাগৰাকীয়ে জনোৱা মতে, আৰক্ষীক এই বিষয়ে অৱগত কৰাৰ পিছত অভিযুক্তই খঙত এই ঘটনা সংঘটিত কৰে ।