ভয়ংকৰ বানত ককবকাইছে ৰাজ্য৷ অসমৰ ২৮খন জিলাই বৰ্তমান বানৰ কৱলত৷ বর্তমানলৈ বানত মৃত্যু হৈছে ৮৫জনকৈ লোকৰ৷ বানত ককবকাইছে কাজিৰঙা ৰাষ্ট্ৰীয় উদ্যানো৷ এনে সময়তে টুইটাৰযোগে অসমৰ বানৰ প্ৰতি সহমৰ্মিতা প্ৰকাশ কৰিছে প্ৰাক্তন ব্ৰিটিছ ক্ৰিকেটাৰ কেভিন পিটাৰছনে ৷
কেভিন পিটাৰছনে কয় যে মাৰ্ছ মাহত মই অসমলৈ যোৱাৰ সময়ত লগ পোৱা আটাইতকৈ সুন্দৰ লোকসকলৰ প্ৰতি মই সহমৰ্মিতা প্ৰকাশ কৰিছো৷ য’ত ভয়ানক বানে অনেকৰ মৃত্যু ঘটাইছে৷ অনুগ্ৰহ কৰি তেওঁলোকক সুৰক্ষা দিয়ক৷ যোৱা মাৰ্চ মাহত অসমলৈ আহিছিল কেভিন পিটাৰছন৷ কেইবা নিশাও তেওঁ কটাইছিল কাজিৰঙা ৰাষ্ট্ৰীয় উদ্যানত৷
অসম ভ্ৰমণচোৱাত কেভিন পিটাৰছনে ভ্ৰমণ কৰিছিল কাজিৰঙাৰ লগতে ৰাজ্য বিভিন্ন অঞ্চল।
