কাজিৰঙাৰ কহঁৰাৰ ৩৭ নং ৰাষ্ট্ৰীয় ঘাইপথত অচিনাক্ত বাহনৰ খুন্দাত নিহত হয় এটা হৰিনা৷ বুধবাৰে নিশা ৰাষ্ট্ৰীয় ঘাইপথত সংঘটিত হয় ঘটনাটো ৷ একাংশ স্থানীয় লোকে বন বিভাগক খবৰ দিয়াত হৰিণাৰ মৃতদেহটো উদ্ধাৰ কৰে। ঘটনাৰ সন্দৰ্ভত ৰাইজৰ অভিযোগ কেৱল বানৰ সময়তহে ৰাষ্ট্ৰীয় ঘাইপথটোত বন বিভাগে যান বাহনৰ নিয়ন্ত্ৰণৰ ব্যৱস্থা গ্ৰহন কৰে ৷ যিহেতু বছৰৰ সকলো সময়তে বন্যজন্তু পথটোৰে অহা যোৱা কৰি থাকে, সেয়েহে বছৰৰ সকলো সময়তে কাজিৰঙাৰ ৩৭ নং ৰাষ্ট্ৰীয় ঘাইপথত যান বাহনৰ গতিবেগ নিয়ন্ত্ৰণৰ ব্যৱস্থা কৰিবলৈ বন বিভাগক দাবী জনাইছে ৰাইজে।
Prev Post