চি বি আইৰ হাতত থকা অৱস্থাত এক কুইন্টলতকৈ অধিক পৰিমাণৰ বাজেয়াপ্ত কৰা সোণ হঠাতে নোহোৱা হৈ পৰিছে।সোণখিনি ৰখা হৈছিল চি বি আইৰ ‘ভল্ট’ত।ভল্টৰ চাবি চেন্নাইস্থিত চি বি আইৰ বিশেষ আদালতত জমা দিয়া হৈছিল যদিও এই চাবি চি বি আইয়ে আদালতত জমা কৰিছিল নে নাই সেই বিষয়ে সঠিকভাৱে জনোৱা নাই। এই সোণৰ বজাৰ মূল্য প্ৰায় ৪৫ কোটি টকা। মুঠ সোণৰ পৰা ১০৩ কিলোগ্ৰাম সোণ ইতিমধ্যে উধাও হৈ পৰিছে। ২০১২ত সুৰাণা কৰ্প’ৰেচন নামৰ চেন্নাইৰ এটা প্ৰতিষ্ঠানৰ পৰা এই সোণ বাজেয়াপ্ত কৰিছিল চি বি আইয়ে। সুৰাণা কৰ্প’ৰেচনে বিদেশৰ পৰা এই সোণ-ৰূপ আমদানি কৰিছিল।প্ৰতিষ্ঠানটোৰ পৰা চি বি আইয়ে বাজেয়াপ্ত কৰিছিল চাৰিশ কিলোগ্ৰাম সোণ। বিগত কেইবাটাও বছৰ ধৰি এই বিশাল পৰিমাণৰ সোণক লৈ গোচৰ চলি আছে আদালতত।
