নৈৰ বুকুত বিলীন হল এজন কৃষক

বকোৰ মেধিপাৰাত এজন খেতিয়কৰ মৃত্যু ।শনিবাৰে আবেলি মেধিপাৰা গাৱঁৰ ওচৰৰ গোপ্তা পথাৰত দেৱেশ্বৰ দাস নামৰ ৬৫ বছৰীয়া লোক এজনে খেতি পথাৰত কাম কৰিবলৈ গৈ নৈ পাৰ হৈ ঘৰলৈ উভতি আহোঁতে নদীৰ মাজত বিলীন হৈ যায়। এই ঘটনা লক্ষ্য কৰে ওচৰতে পথাৰত কাম কৰি থকা গৌতম দাস নামৰ আন এজন খেতিয়কে। বকো নৈত সংঘটিত হোৱা এই ঘটনাৰ পাছতে গৌতমে স্থানীয় ৰাইজ তথা বকো আৰক্ষীক খবৰ দিয়ে।এছডিআৰএফৰ দল এটাই নৈত নামি দেৱেশ্বৰৰ সন্ধান  আৰম্ভ কৰে। এছডিআৰএফৰ ডুবাৰুৱেও নৈখনত দেৱেশ্বৰৰ সন্ধানত নামি পৰে যদিও গধূলিলৈ কোনো শুংসূত্ৰ উলিয়াব নোৱাৰিলে। ঘটনাৰ পাছতে গাওঁবাসী তথা পৰিয়ালৰ লোক দুখত ভাঙি পৰে।