অসম আৰক্ষীৰ নাক কাটিলে ভৰলুমুখ থানাৰ আৰক্ষীয়ে। বিশেষভাৱে সক্ষম শিশুক প্ৰহাৰ কৰাক লৈ তোলপাৰ

ৰাজধানী মহানগৰী গুৱাহাটীত আৰক্ষীৰ বৰ্বৰতা ৷ যি সময়ত একাংশ আৰক্ষীয়ে দিনে-নিশাই ৰ’দ-বৰষুণক নেওচি ক’ভিদযুদ্ধত নিয়োজিত হোৱাৰ বাবে জনতা ভগৱান জ্ঞান কৰি আছে তেনে সময়তে মহানগৰীত এজন আৰক্ষী বিষয়াৰ অসুৰৰ দৰে কৰ্ম। বিশেষ ভাবে সক্ষম এজন শিশুক প্ৰহাৰ কৰি এগৰাকী আৰক্ষীৰ বীৰত্ব প্ৰদৰ্শন ৷ লকডাউনৰ মাজতে মহানগৰ গুৱাহাটীত দৈনিক সংঘটিত হৈ অহা অপৰাধ নিয়ন্ত্ৰণত ব্যৰ্থ আৰক্ষী দেখুূৱালে বীৰত্ব। বৃহস্পতিবাৰে সন্ধিয়া ভৰলুমুখত পিতৃৰ সৈতে ঔষধ কিনিবলৈ যোৱা এটি বিশেষভাৱে সক্ষম শিশুক প্ৰহাৰ কৰিলে অসম আৰক্ষীৰ এজন বিষয়াই।

ইতিমধ্যে অতিৰিক্ত সঞ্চালক প্ৰধান জি.পি সিঙে অভিযুক্ত আৰক্ষী বিৰুদ্ধে কঠোৰ ব্যৱস্থা গ্ৰহণ কৰি মন্তব্য কৰিছে। লগতে ঘটনা সন্দৰ্ভত কোনো ধৰণৰ বুজা-বুজি নহয় বুলিও মত প্ৰকাশ কৰে ।