TMC Leader Saifuddin Laskar Shot Dead : নামাজলৈ গৈ থকা অৱস্থাত দুৰ্বৃত্তই গুলীয়াই হত্যা কৰিলে তৃণমূল কংগ্ৰেছৰ নেতাক
নেশ্যনেল ডেস্ক, ১৩ নৱেম্বৰ : এক চাঞ্চল্যকৰ ঘটনা । দুৰ্বৃত্তৰ গুলীত নিহত তৃণমূল কংগ্ৰেছ নেতা । নামাজলৈ গৈ থকা অৱস্থাত কোনো দুৰ্বৃত্তই গুলীয়াই হত্যা কৰে নেতাজনক ।
পশ্চিমবংগত সংঘটিত হৈছে এই ভয়ংকৰ ঘটনাটো । সোমবাৰে পুৱা পশ্চিমবংগৰ দক্ষিণ ২৪ পৰগণাৰ জয়নগৰ আৰক্ষী থানাৰ অন্তৰ্গত বামঙ্গাচী গাঁও পঞ্চায়তত সংঘটিত হয় এই ঘটনাটো(TMC Leader Saifuddin Laskar Shot Dead )।
জানিব পৰা মতে, নামাজলৈ গৈ থকা অৱস্থাত নেতাজনক কোনো দুৰ্বৃত্তই গুলীয়াই হত্যা কৰে । নিহত হোৱা তৃণমূল নেতাজনৰ নাম চৈফুদ্দিন লস্কৰ (৪৩) বুলি জানিব পৰা গৈছে । চৈফুদ্দিন লস্কৰ বামঙ্গাচী গাঁও পঞ্চায়তৰ তৃণমূল সদস্য তথা দলটোৰ আঞ্চলিক সভাপতি (West Bengal TMC Leader Saifuddin Laskar Shot Dead)।
উল্লেখ্য যে, এই গুলীচালনাৰ পিছতে অঞ্চলটোত তীব্ৰ আতংকৰ সৃষ্টি হয় আৰু অঞ্চলজুৰি ব্যাপক হিংসাত্মক ঘটনাও সংঘটিত হয় । তৃণমূল নেতাজন নিহত হোৱাৰ লগে লগে ক্ষোভত গাঁওখনত অগ্নিসংযোগ কৰে(TMC leader Saifuddin Laskar shot dead) ।
স্থানীয় সূত্ৰ অনুসৰি, চৈফুদ্দিনে বিগত কেইমাহমান ধৰি পুৱা নামাজলৈ যাবলৈ আৰম্ভ কৰিছিল । সোমবাৰে পুৱাও তেওঁ ওচৰৰ মছজিদলৈ নামাজ পঢ়িবলৈ ওলাই গৈছিল । সেই সময়তে তেওঁৰ ওপৰত দুৰ্বৃত্তই গুলীচালনা কৰে । ইফালে গুলীচালনাৰ শব্দ শুনি অঞ্চলটোৰ লোকসকল ঘটনাস্থলীলৈ দৌৰি আহে । তেওঁলোকে আহি চৈফুদ্দিনক তেজেৰে লুতুৰি-পুতুৰি হৈ পৰি থকা অৱস্থাত প্ৰত্যক্ষ কৰে আৰু লগে লগে চৈফুদ্দিনক উদ্ধাৰ কৰি চিকিৎসালয়লৈ লৈ যায় যদিও চিকিৎসকে তেওঁক মৃত বুলি ঘোষণা কৰে(Local TMC leader shot dead in West Bengal’s South 24 Parganas district) ।
আনহাতে,এই ঘটনাৰ খবৰ পোৱাৰ লগে লগে বাৰুইপুৰ পূব বিধানসভা সমষ্টিৰ তৃণমূল বিধায়ক বিভাস চৰ্দাৰ ততাতৈয়াকৈ স্থানীয় পদমেৰহাট চিকিৎসালয়ত উপস্থিত হয় । তেওঁ কয়, “দুৰ্বৃত্তই তেওঁক হত্যা কৰিছে । চৈফুদ্দিন আমাৰ বামঙ্গাচীৰ আঞ্চলিক সভাপতি । তেওঁ পুৱা নামাজ পঢ়িবলৈ গৈ আছিল । মছজিদটো ঘৰৰ সন্মুখতে ।”আনহাতে, আৰক্ষীয়ে ঘটনাটোৰ তদন্ত আৰম্ভ কৰিছে আৰু ইয়াৰ আঁৰত কোনো ষড়যন্ত্ৰ আছে নেকি সেয়াও অনুসন্ধান কৰি আছে । ইফালে এই ঘটনাৰ প্ৰতিশোধ স্বৰূপে গাঁওখনৰ বহু ঘৰ আৰু দোকানত অগ্নিসংযোগ কৰা হয় ।
লগতে পঢ়ক : Deadbody recovered in Lakhimpur : দীপাৱলীৰ আনন্দ উল্লাহৰ মাজতে ৰহস্যজনকভাৱে উদ্ধাৰ যুৱকৰ মৃতদেহ