Union Minister Sarbananda Sonowal files nomination for Dibrugarh LS constituency : মুখ্যমন্ত্ৰী হিমন্ত বিশ্ব শৰ্মা আৰু দলীয় সভাপতিক কাষত লৈ মনোনয়ন দাখিল সৰ্বানন্দ সোণোৱালৰ
নিউজ ডেস্ক,২৬মাৰ্চ : ডিব্ৰুগড়ৰ বিজেপি প্ৰাৰ্থী সৰ্বানন্দ সোণোৱালৰ মনোনয়ন দাখিল। মঙলবাৰে মনোনয়ন পত্ৰ দাখিল কৰিলে কেন্দ্ৰীয় মন্ত্ৰী তথা লোকসভা নিৰ্বাচনৰ প্ৰাৰ্থী সৰ্বানন্দ সোণোৱালে । জিলা আয়ুক্তৰ কাৰ্যালয়ত দাখিল কৰিলে মনোনয়ন পত্ৰ। মনোনয়ন দাখিলৰ সময়ত উপস্থিত মুখ্যমন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী ৰামেশ্বৰ তেলী, মন্ত্ৰী ৰণজিৎ কুমাৰ দাস, অতুল বৰা(Union Minister Sarbananda Sonowal files nomination for Dibrugarh LS constituency)।
মনোনয়ন দাখিলৰ পূৰ্বে সৰ্বানন্দ সোণোৱালক লৈ বিজেপি আৰু অগপৰ ৰাজ্যিক নেতৃত্বৰ উপস্থিতিত ডিব্ৰুগড়ৰ ফুলবাগানস্থিত পুৰণি হাইস্কুল খেলপথাৰত বিশাল সভা অনুষ্ঠিত কৰা হয় ৷ উক্ত সভাত অংশগ্ৰহণ কৰাৰ পূৰ্বে সভাস্থলীৰ কাষত থকা নামঘৰত সেৱা ল’লে সৰ্বানন্দ সোণোৱালে(Union minister Sarbananda Sonowal files nomination from Dibrugarh LS seat) ।
সভাত অংশগ্ৰহণ কৰি বিশাল শোভাযাত্ৰাৰে ডিব্ৰুগড়ৰ জিলা আয়ুক্তৰ কাৰ্যালয়লৈ যায় সৰ্বানন্দ সোণোৱাল । ইয়াৰ পিচতে মুখ্যমন্ত্ৰী, দলীয় সভাপতিক কাষত লৈ মনোনয়ন দাখিল কৰিলে সৰ্বানন্দ সোণোৱালে ।