১৮ বছৰৰ ওপৰৰ ব্যক্তিৰ বাবে ১০ এপ্ৰিলৰ পৰা আৰম্ভ হ’ব তৃতীয় পালি ভেকচিন

নিউজ ডেস্ক, ৮ এপ্ৰিল : ১৮ বছৰৰ ওপৰৰ ব্যক্তিৰ সকলৰ বাবে এক সুখবৰ । ১০ এপ্ৰিল পৰা দেশত ১৮ বছৰৰ সকলো ব্যক্তিৰ বাবে উপলব্ধ হ’ব কৰ’ণাৰ তৃতীয় ভেকচিন তথা বুষ্টাৰ ড’জ । লগতে সকলো ব্যক্তিগত কেন্দ্ৰতো প্ৰদান কৰা হ’ব এই ভেকচিন।

ইয়াৰ লগতে পূৰ্বৰ দৰে প্ৰথম আৰু দ্বিতীয় পালি ভেকচিন প্ৰদানৰ কাম অব্যাহত থাকিব । লগতে স্বাস্থ্য খণ্ডৰ সৈতে জড়িত ফ্ৰণ্ট লাইন কৰ্মী আৰু ৬০ উৰ্ধৰ লোক সকলক বুষ্টাৰ প্ৰদানৰ কামো অব্যাহত থাকিব ।

উল্লেখযোগ্য যে, ইতিমধ্যেই ১৮ বছৰৰ উৰ্ধৰ সকলো ব্যক্তিক প্ৰদীন কৰা হৈছে দুয়োপালি ভেকচিন । দুয়োপালি ভেকচিন গ্ৰহণ কৰাৰ ৯ টা মাহ সম্পূৰ্ণ কৰা লোক সকলেহে লব পাৰিব এই বুষ্টাৰ ড’জ । চৰকাৰৰ ফালৰ পৰা সদৰি কৰা অনুসৰি ইতিমধ্যে দেশত প্ৰায় ৯৬ শতাংশ লোকে কমেও এপালি কৈ কৰ’ণাৰ ভেকচিন গ্ৰহণ কৰিছে ।