নিউজ ডেস্ক, ৩১ মে’- পুনৰ বিতৰ্কৰ মাজত হলি চাইল্ড স্কুল। ছাত্ৰী নিৰ্যাতনৰ পিছত হোলী চাইল্ড স্কুলত এইবাৰ ড্ৰাগছৰ বেহা !
অবৈধ ড্ৰাগছব্যৱসায়ত জড়িত থকাৰ অভিযোগত মঙলবাৰে গুৱাহাটী আৰক্ষীয়ে এজন বাছ চালকক গ্ৰেপ্তাৰ কৰে। ড্ৰাগছ সৰবৰাহকাৰীজন নিতুমনি কলিতা বুলি চিনাক্ত কৰা হৈছে।
Related Posts
চান্দমাৰিত হোলী চাইল্ড স্কুল বাছৰ চালকৰ হাতত উদ্ধাৰ হয় কণ্টেইনাৰ আৰু চিৰিঞ্জ। অভিভাৱকে হাতে লোতে ধৰে বাছ চালকজনক। অভিভাৱকে চান্দমাৰি আৰক্ষীক গতাই দিয়ে চালকজনক। বাছ চালক নিতুমণি কলিতা পূৰ্বে চান্দমাৰি থানাৰ গাড়ী চলাইছিল।
গুৱাহাটী আৰক্ষীয়ে জনোৱা অনুসৰি আৰক্ষীয়ে তেওঁৰ দখলৰ পৰা মুঠ ০.৫৭ গ্ৰাম হেৰোইন, ৩ ভাইল, ১ টা চিৰিঞ্জ আৰু ১ টা নকিয়া ফোন উদ্ধাৰ কৰিছে।
তেওঁক বৰ্তমান চান্দমাৰী আৰক্ষীয়ে জেৰা অব্যাহত ৰাখিছে।