নেশ্য়নেল ডেস্ক, ১৭অক্টোবৰ : মিজোৰাম ভ্ৰমণত কংগ্ৰেছ নেতা ৰাহুল গান্ধীৰ আজি দ্বিতীয়টো দিন ।
সোমবাৰে দুদিনীয়া কাৰ্যসূচীৰে মিজোৰামত উপস্থিত হৈছিল কংগ্ৰেছ নেতা ৰাহুল গান্ধী । মিজোৰামত নিৰ্বাচনৰ প্ৰচাৰৰ বাবে উপস্থিত হয় কংগ্ৰেছ সাংসদ ৰাহুল গান্ধী । কংগ্ৰেছ নেতাৰ এই দুদিনীয়া কাৰ্যসূচীত আগন্তুক ৭ নৱেম্বৰত অনুষ্ঠিত হ’বলগীয়া বিধানসভা নিৰ্বাচনত দলৰ প্ৰাৰ্থীৰ হৈ প্ৰচাৰ চলাই(Rahul Gandhi arrives in poll bound Mizoram on two day visit)।
বিধান সভা নিৰ্বাচনৰ প্ৰচাৰৰ বাবে দুদিনীয়া কাৰ্যসূচীৰে আইজললৈ উপস্থিত হোৱা ৰাহুল গান্ধীৰ মিজোৰাম ভ্ৰমণৰ আজি অন্তিম দিন(Mizoram poll 2023)।
উল্লেখ্য যে, সোমবাৰে ৰাহুল গান্ধী মিজোৰামত উপস্থিত হৈ পদযাত্ৰা আৰু ছাত্ৰ-ছাত্ৰীসকলৰ সৈতে অন্তৰংগ আলাপ অনুষ্ঠানত অংশ লৈ গান্ধীয়ে নিশাটো আইজল ক্লাৱত কটায়।
আজি পুৱা কংগ্ৰেছ সাংসদ ৰাহুল গান্ধীয়ে কংগ্ৰেছ নেতা-কৰ্মীসকলৰল সৈতে এক বৈঠকত অংশ ল’ব। এই বৈঠকত উপস্থিত থাকিব মিজোৰামৰ নিৰ্বাচনত প্ৰাৰ্থীত্ব লাভ কৰা কংগ্ৰেছৰ প্ৰাৰ্থীসকলো। প্ৰায় এঘন্টা এই বৈঠকত অংশ লোৱাৰ অন্তত ৰাহুল গান্ধীয়ে আইজল ক্লাবতে এক সংবাদমেল সম্বোধন কৰিব।
সংবাদমেল সম্বোধন কৰি ৰাহুল গান্ধী হেলিকপ্টাৰেৰে লুংলেইৰ অভিমুখে যাব। লুংলেইত দুপৰীয়া ১২.৩৫ বজাত এখন নিৰ্বাচনী জনসভাত অংশ ল’ব ।
লুংলেইত নিৰ্বাচনী জনসভাৰ অন্তত আবেলি ২.৫০ বজাত হেলিকপ্টাৰেৰে আগৰতলা অভিমুখে উৰা মাৰিব কংগ্ৰেছ নেতা গৰাকী। আগৰতলাৰ পৰা বিশেষ বিমানেৰে বিয়লি ৩.৪৫ বজাত দিল্লীলৈ ৰাওনা হ’ব কংগ্ৰেছ নেতা ৰাহুল গান্ধী।
লগতে পঢ়ক :Congress leader Rahul Gandhi arrives in Aizawl : দুদিনীয়া কাৰ্যসূচীৰে মিজোৰামত উপস্থিত ৰাহুল গান্ধী