নিউজ ডেস্ক,২৫ ফ্ৰেব্ৰুৱাৰীঃ তিনিদিনীয়া কাৰ্যসূচীৰে গুৱাহাটীত উপস্থিত হয় ৰাষ্ট্ৰপতি ৰামনাথ কোবিন্দ। বৰঝাৰ বিমানবন্দৰত ৰাজ্যপাল জগদীশ মূখী আৰু মুখ্যমন্ত্ৰী হিমন্ত বিশ্ব শৰ্মাই ৰাষ্ট্ৰপতিগৰাকীক অভিবাদন জনায়। বিমানবন্দৰত বাৰেবৰণীয়া কৃষ্টি-সংস্কৃতিৰে আদৰণি জনোৱা হয় ৰাষ্ট্ৰপতিগৰাকীক। ইয়াৰ পিছতেই মা কামাখ্যা মন্দিৰত পূজা-অৰ্চনা কৰি মা কামাখ্যাৰ আশীষ গ্ৰহণ কৰে ৰাষ্ট্ৰপতিগৰাকীয়ে। মা কামাখ্যা মন্দিৰৰ পূজাত ভাগ লয় ৰাজ্যপাল জগদীশ মূখী আৰু মুখ্যমন্ত্ৰী হিমন্ত বিশ্ব শৰ্মা।
