গুৱাহাটী,১৯ নৱেম্বৰ: মিজোৰাম পশুপালন আৰু পশু চিকিৎসা মন্ত্ৰী ড°কে বেইচুয়াই বৃহস্পতিবাৰে দক্ষিণ মিজোৰামৰ লংটলাই চহৰত এখন জিলা পশু চিকিৎসালয় উদ্ধোধন কৰে। মুঠ ৯০ লাখ টকাৰ প্ৰকল্পেৰে নিৰ্মাণ হোৱা এই হস্পিটালখন ২০১৯ চনৰ মাৰ্চ মাহত আৰম্ভ হৈছিল। অনুষ্ঠানত ভাষণ কৰি ড° বেইচুয়াই কয় যে ৰাজ্য চৰকাৰে ৰাজ্যখনৰ উন্নয়ণৰ বাবে ব্যাপক প্ৰচেষ্টা চলাই আহিছে আৰু ক’ভিড-১৯ মহামাৰীৰ পিছতো কাম কৰি আহিছে। তেঁও কয় যে চৰকাৰে সাতখন জিলাত নতুন পশু চিকিৎসালয় নিৰ্মাণ কৰি আহিছে আৰু লংটলাইত নতুনকৈ উদ্ধোধন কৰা চিকিৎসালয়কে ধৰি মুঠ চাৰিখন এতিয়ালৈকে উদ্ধোধন কৰা হৈছে। লগতে চৰকাৰে ইতিমধ্যে আৰু তিনিখন পশু চিকিৎসালয় নিৰ্মাণৰ বাবে পুঁজি আৱণ্টন কৰিছে।
Related Posts
আইজলৰ ওচৰৰ তানহৰিল আৰু লংটলাই জিলাৰ মাম্পুইত পশু চিকিৎসা ফাৰ্মত হেচাৰী স্থাপনৰ প্ৰচেষ্টা চলি আছে। তাৰোপৰি ৰাজ্যখনত যাতে মাংস আৰু অন্যান্য মাংসৰ সামগ্ৰীৰ ওপৰত আত্মনিৰ্ভৰশীল হৈ পৰে তাৰ বাবে চৰকাৰে প্ৰচেষ্টা চলাই আছে। তেঁওৰ মতে, বৰ্তমান ৰাজ্যখনত খোৱা মাংসৰ ৭০ শতাংশ আন ৰাজ্যৰ পৰা আমদানি কৰা হয়।