Ajit Pawar joins NDA govt : এন চি পিৰ অজিত পাৱাৰৰ মহাৰাষ্ট্ৰত এন ডি এ চৰকাৰত যোগদান
নেশ্যনেল ডেস্ক, ২ জুলাই : সলনি হ’ল মহাৰাষ্ট্ৰৰ ৰাজনীতিৰ দৃশ্যপট । উদ্ধৱ থাকৰেৰ দশা হ’ল এন চি পিৰ নেতা শাৰদ পাৱাৰৰ(Ajit Pawar joins NDA govt) । দেওবাৰে এন চি পিৰ নেতা অজিত পাৱাৰে ৪৩ গৰাকী বিধায়কৰ সমৰ্থন লৈ উপস্থিত হ’ল চিন্দে গোটত(Ajit Pawar joins NDA govt) ।
জাতীয়তাবাদী কংগ্ৰেছ পাৰ্টিৰ জ্যেষ্ঠ নেতা অজিত পাৱাৰে দেওবাৰে একনাথ চিন্দে নেতৃত্বাধীন চৰকাৰত যোগদান কৰি মহাৰাষ্ট্ৰৰ উপ-মুখ্যমন্ত্ৰী হিচাপে শপত গ্ৰহণ কৰিবলৈ সাজু হৈছে(Ajit Pawar joins NDA govt)। ২ জুলাইৰ সন্ধিয়া পাৱাৰে মুম্বাইস্থিত চৰকাৰী বাসগৃহত দলৰ একাংশ নেতা-বিধায়কৰ সৈতে বৈঠকত মিলিত হোৱাৰ পিছতে এই কথা ঘোষণা কৰে(NCP Ajit Pawar takes oath as Deputy Chief Minister)।
অজিত পাৱাৰৰ এই যোগদানে মহাৰাষ্ট্ৰৰ ৰাজনীতিত এক গুৰুত্বপূৰ্ণ প্ৰভাৱ পেলাব বুলি দাবী কৰিছে ৰাজনৈতিক মহলে।
মহাৰাষ্ট্ৰৰ উপ-মুখ্যমন্ত্ৰী হিচাপে শপত গ্ৰহণ কৰিলে এন চি পি নেতা অজিত পাৱাৰে । ইয়াৰ লগতে ৯ গৰাকী বিধায়কে মন্ত্ৰী হিচাপে শপত গ্ৰহণ কৰে । বিগত প্ৰায় দুটা বছৰত মহাৰাষ্ট্ৰৰ ৰাজনীতিত ঘটিল এই বৃহৎ সাল-সলনি।
ৰাজভৱনত হোৱা আজিৰ এই শপত গ্ৰহণ অনুষ্ঠানত উপস্থিত থাকে মহাৰাষ্ট্ৰৰ মুখ্যমন্ত্ৰী একনাথ চিন্দেৰ লগতে উপ-মুখ্যমন্ত্ৰী দেৱেন্দ্ৰ ফাডনাবিজ । বিজেপিৰ এইগৰাকী নেতাৰ লগত একেলগেই অজিত পাৱাৰো ক্ষমতাত থাকিব।
ইয়াৰ পূৰ্বে শিৱসেনাৰ নেতা একনাথ সিন্দে একাংশ সমৰ্থকৰ সৈতে লগ লাগি সলনি কৰিছিল মহাৰাষ্ট্ৰৰ দৃশ্যপট। বিজেপিৰ সৈতে লগ লাগি শিৱসেনাৰ পৰা মুখ্যমন্ত্ৰী হিচাপে শপত লৈছিল একনাথ সিন্ধে। তাৰ প্ৰায় ১ বছৰ পাছতে পুনৰ প্ৰায় একেই ঘটনাৰাজীয়ে উত্তপ্ত পৰিস্থিতিৰ সৃষ্টি কৰিছে মহাৰাষ্ট্ৰৰ ৰাজনৈতিক মহলত।
উল্লেখ্য যে, এন চি পিৰ ৫৩ গৰাকী বিধায়কৰ ভিতৰত ৪৩ গৰাকীৰ সমৰ্থনে লাভ কৰিছে অজিত পাৱাৰে । ইয়াৰ ভিতৰত আছে NCPৰ কাৰ্যকৰী সভাপতি প্রফুল্ল পেটেল। সূত্ৰ অনুসৰি , বিৰোধীৰ সৈতে একলগ হোৱা শাৰদ পাৱাৰৰ একপক্ষীয় সিদ্ধান্তৰ বিৰোধী আছিল বিধায়কসকল।
মহাৰাষ্ট্ৰ বিজেপিৰ সভাপতি চন্দ্ৰশেখৰ বাৱানকুলে কয় যে এনচিপিৰ অজিত পাৱাৰ আৰু তেওঁৰ সহযোগীসকলে প্ৰধানমন্ত্ৰী মোডীৰ দৃষ্টিভংগীক সমৰ্থন কৰিছে। এই সমীকৰণে মহাৰাষ্ট্ৰক আগুৱাই নিব বুলি কয় নেতাগৰাকীয়ে।
মহাৰাষ্ট্ৰৰ ৰাজনীতিত ঘটা এই পৰিৱৰ্তনে বিৰোধীসকলক যথেষ্ঠ পৰিমাণে দুৰ্বল কৰি পেলালে । ২০২৪ চনৰ পূৰ্বে বিৰোধী একলগ হ’বলৈ চেষ্টা চলাই আছে । কিন্তু তাৰ পূৰ্বেই মহাৰাষ্ট্ৰৰ শক্তিশালী বিৰোধীক তচনচ কৰি পেলালে একনাথ চিন্দে । মহাৰাষ্ট্ৰত সলনি হোৱা ৰাজনৈতিক সমীকৰণ বিৰোধীৰ বাবে হ’ব পাৰে ডাঙৰ বিফলতা ।
শেহতীয়াকৈ পাৱাৰে এল অ’ পি হিচাপে আগবাঢ়ি যাবলৈ আগ্ৰহী নহয় আৰু দলীয় সংগঠনত কাম কৰিব বিচৰা বুলি মন্তব্য কৰাৰ পিছতে এই বৈঠকে তাৎপৰ্য লাভ কৰে ।