নগৰবেৰা : পুনৰ মুখ্যমন্ত্ৰী ড০ হিমন্ত বিশ্ব শৰ্মাৰ বিৰুদ্ধে সৰৱ হৈ পৰে কংগ্ৰেছৰ নিলম্বিত বিধায়ক শ্বেৰমান আলীয়ে । বৰপেটাৰ লুইতপৰীয়া মহাবিদ্যালয়ত অধিকাৰ সুৰক্ষা মঞ্চৰ উদ্যোগত আয়োজিত শিক্ষাৰ পোহৰ APSC/UPSC সহায়ক প্ৰকল্পৰ উদ্বোধনী অনুষ্ঠানত অংশ গ্ৰহন কৰি তেওঁ কয়-হিমন্ত বিশ্ব শৰ্মাই তেওঁৰ মুখ্যমন্ত্ৰীৰ কাৰ্যকালত বিভিন্ন প্ৰকাৰে হিন্দু মুছলমানৰ মাজত সংঘাত সৃষ্টি কৰাৰ চেষ্টা কৰি আহিছে । সেয়ে তেওঁক বৰ্জন কৰিব লাগে সংবাদ মাধ্যমে। বিধায়ক শ্বেৰমান আলীয়ে মুখ্যমন্ত্ৰী হিমন্ত বিশ্ব শৰ্মাক মানুহৰ বিষ্ঠাৰ সৈতে তুলনা কৰে।
ৰাহুল গান্ধীৰ ভোটাৰ সুৰক্ষা যাত্ৰা সন্দৰ্ভত বিধায়ক শ্বেৰমান আলীয়ে কয় যে, দেশৰ নিৰ্বাচন আয়োগৰ দুৰ্নীতি অনিয়ম ৰাহুল গান্ধীয়ে তথ্য সহকাৰে উদঙাই দিছে । সেয়ে দেশবাসীয়ে ৰাহুল গান্ধীক সহযোগ কৰা উচিত বুলিও কয় বিধায়ক শ্বেৰমান আলীয়ে ।
অনুষ্ঠানটোত মহাবিদ্যালয়খনৰ অধ্যক্ষ ডঃ জছিম উদ্দিন আহমেদৰ লগতে কেইবাজন অধ্যাপক আৰু যথেষ্ট সংখ্যক ছাত্ৰ-ছাত্ৰী উপস্থিত থাকে ।
লগতে পঢ়ক :Watch | Rangia news: ৰঙিয়াৰ সমীপৰ জামতোলাত অচিনাক্ত দুৰ্বৃত্তই গুলীয়ালে ব্যৱসায়ীক