মেঘালয়ত ভূমিস্খলন, একেটা পৰিয়ালৰ তিনিজন নিহত
![](https://mynewsne.com/wp-content/uploads/2022/06/WhatsApp-Image-2022-06-09-at-2.59.17-PM-750x430.jpeg)
নিউজ ডেস্ক,৯ জুন : বৃহস্পতিবাৰে পুৱাৰ ভাগত গাৰো পাহাৰ (Garo Hill)ৰ Gambegre অঞ্চলত সংঘটিত ভূমিস্খলনৰ ফলত এটা পৰিয়ালৰ কমেও তিনিজন সদস্য নিহত হয়।
পশ্চিম গাৰো পাহাৰ জিলা আৰক্ষীয়ে কৈছিল যে উদ্ধাৰ অভিযান চলি আছে। ভুক্তভোগী তিনিজনক প্ৰীতিশ মাৰাক (মাতৃ), প্ৰায় মাৰাক (পুত্ৰ) আৰু কন্যা আইয়েনবে মাৰাক (কন্যা) বুলি চিনাক্ত কৰা হৈছে।
পিতৃ চেংগ্ৰিক চাংমা আৰু তেওঁৰ পুত্ৰ থোবিয়াছ মাৰাক দুৰ্ঘটনাটোৰ পৰা বাচি গৈছিল আৰু এখন চিকিৎসালয়ত সংকটজনক অৱস্থাত আছে।
আনহাতে, বৃহস্পতিবাৰে পুৱা প্ৰায় ৪ বজাত দক্ষিণ পশ্চিম গাৰো পাহাৰৰ বেটাচিং খণ্ডৰ (Betasing block) চামতী গাঁৱত ভূমিস্খলনৰ ফলত তেওঁৰ পৰিয়ালৰ ঘৰ ভাঙি পৰাত এজন আঢ়ৈ বছৰীয়া শিশু তনুশ হাজঙৰ মৃত্যু হয়।
বুধবাৰে নিশা গাৰো পাহাৰত ধাৰাসাৰ বৰষুণ হোৱাৰ পিছত ঘটনাবোৰ সংঘটিত হৈছিল।
ইফালে, ভাৰতীয় বতৰ বিজ্ঞান বিভাগে (IMD) ১০ জুনৰ পৰা ১২ জুনলৈকে অসমৰ বাবে বৰষুণৰ সতৰ্কবাণী জাৰি কৰিছে।
বৃহস্পতিবাৰে অসমতো ধাৰাসাৰ বৰষুণ হয় যাৰ ফলত হাতীগাঁও, চান্দমাৰী, জাটিয়া, চিৰিয়াখানা পথ, ৰাজঘৰ আদিকে ধৰি গুৱাহাটীৰ বিভিন্ন স্থানত পানী জমা হয়।