ডিজিটেল ডেস্ক:- দেওবাৰে উৰিষ্যাৰ কেন্দ্ৰপাৰা জিলাত এক ভয়ংকৰ ঘটনা সংঘটিত হৈছে।উৰিষ্যাৰ কেন্দ্ৰপাৰা জিলাৰ সাগৰৰ পাৰত দুই বন্ধুয়ে সুৰাপান কৰাৰ পাছত তৰ্ক-বিতৰ্কত লিপ্ত হয়।ফলত এজনে আনজনৰ যৌনাঙ্গ কাটি পেলাই।সুৰাপান কৰি কৰা তৰ্কই লয় ভয়ংকৰ পৰিণতি।
জানিব পৰা মতে,৩০ বছৰীয়া ভগৱত দাস আৰু তেওঁৰ বন্ধু অক্ষয় ৰাউতে ৰাজনগৰ আৰক্ষী থানা অঞ্চলৰ পেন্থা সমুদ্ৰতীৰত সুৰাপান কৰি আছিল আৰু সেই সময়তে তেওঁলোকৰ মাজত কাজিয়া আৰম্ভ হয়। কাজিয়া পিছলৈ বাঢ়ি অহাৰ লগে লগে ৰাউতে দাসৰ যৌনাঙ্গ তীক্ষ্ণ ধাৰাৰ অস্ত্ৰৰে কাটি পেলাই।দুয়োজন বন্ধুয়ে সাগৰৰ পাৰলৈ যাবলৈ এখন অটোৰিক্সা ভাড়া লৈছিল।
আৰক্ষীয়ে ৰাউতক বিচাৰি থকাৰ সময়ত অটো-ৰিক্সাৰ চালকজনক আটক কৰিছে।আৰক্ষীয়ে ৰাউটক বিচাৰি অভিযান অব্যাহত ৰাখিছে।
আৰক্ষীয়ে জনায় যে, দাসক প্ৰথমে ৰাজনগৰৰ কমিউনিটি হেল্থ চেণ্টাৰলৈ (চিএইচচি) লৈ যোৱা হৈছিল, কিন্তু পিছত তেওঁৰ অৱস্থাৰ অৱনতি হোৱাৰ বাবে কটকৰ এছচিবি চিকিৎসা মহাবিদ্যালয় আৰু চিকিৎসালয়লৈ স্থানান্তৰিত কৰা হয়।