নিউজ ডেস্ক, ১ এপ্ৰিল : মূল্য বৃদ্ধিৰ সোঁতে মাধমাৰ সোধাইছে সৰ্বসাধাৰণক। পুনৰ বৃদ্ধি পালে ৰন্ধন গেছৰ দাম । চৰকাৰী তেল কোম্পানীসমূহে বাণিজ্যিক চিলিণ্ডাৰৰ দাম বৃদ্ধি কৰিছে । ১ এপ্ৰিলৰ পৰা এলপিজি চিলিণ্ডাৰৰ দাম ২৫০ টকা বৃদ্ধি কৰিছে তেল কোম্পানীসমূহে ।
উল্লেখযোগ্য যে, ১০ দিন পূৰ্বে ঘৰুৱা ৰন্ধন গেছৰ চিলিণ্ডাৰৰ দাম ৫০ টকা বৃদ্ধি কৰা হৈছিল আৰু সেইসময়ত কমাৰ্চিয়েল চিলিণ্ডাৰৰ দাম কিছু পৰিমাণে হ্ৰাস পাইছিল। কিন্তু ১ এপ্ৰিলত পুনৰ ২৫০ টকাকৈ বৃদ্ধি পাইছে বাণিজ্যিক চিলিণ্ডাৰৰ মূল্য।
নতুন বিত্তীয় বৰ্ষৰ আৰম্ভণিতে বাণিজ্যিক চিলিণ্ডাৰৰ মূল্য বৃদ্ধি কৰাৰ পিছত দিল্লীত ১৯ কিলোগ্ৰাম চিলিণ্ডাৰৰ দাম এতিয়া ২২৫৩ টকা হৈছে । মুম্বাইত এতিয়া কমাৰ্চিয়েল চিলিণ্ডাৰৰ দাম ২২০৫ টকা লৈ বৃদ্ধি হৈছে। কলকাতাত ১৯ কিলোগ্ৰামৰ চিলিণ্ডাৰ ২৩৫১ টকা হৈছে । চেন্নাইত কমাৰ্চিয়েল চিলিণ্ডাৰৰ দাম ২১৩৮ টকাৰ সলনি ২৪০৬ টকা লৈ বৃদ্ধি ।
আনহাতে, এনেদৰেই দেশৰ আন মহানগৰসমূহতো বৃদ্ধি হৈছে বাণিজ্যিক চিলিণ্ডাৰৰ দাম।