I.N.D.I.A Bloc 4th Meeting Today : মঙলবাৰে দিল্লীত অনুষ্ঠিত হ’ব বিৰোধী মিত্ৰজোঁট I.N.D.I.A চতুৰ্থখন বৈঠক
নিউজ ডেস্ক, ১৯ ডিচেম্বৰ : লোকসভা নিৰ্বাচনলৈ তৎপৰ I.N.D.I.A মিত্ৰজোঁট । মঙলবাৰে দিল্লীত অনুষ্ঠিত হ’ব বিৰোধী I.N.D.I.A.মিত্ৰজোঁটৰ চতুৰ্থখন বৈঠক৷ এই বৈঠকত চূড়ান্ত হ’ব কেইবাটাও গুৰুত্বপূৰ্ণ সিদ্ধান্ত৷ নতুন দিল্লীৰ অশোকা হোটেলত অনুষ্ঠিত হ’ব এই বৈঠকখন ।
বহু চৰ্চিত I.N.D.I মিত্ৰজোঁটৰ এখন গুৰুত্বপূৰ্ণ বৈঠক অনুষ্ঠিত হ’ব আজি ৷ এই বৈঠকত প্ৰধানমন্ত্ৰী পদৰ প্ৰাৰ্থী, আসন ভাগ-বাটোৱাৰা, যুটীয়া ৰাজহুৱা সভা আৰু ৰাইজৰ মাজলৈ কি কি বিষয় লৈ যোৱা হ’ব সেই বিষয়ে আলোচনা কৰাৰ সম্ভাৱনা আছে(I.N.D.I.A Bloc 4th Meeting Today ) ৷
উল্লেখ্য যে, ৬ ডিচেম্বৰতে অনুষ্ঠিত হ’বলগীয়া আছিল I.N.D.I.A মিত্ৰজোঁট বৈঠকখন ৷ কিন্তু পশ্চিমবংগৰ মুখ্যমন্ত্ৰী মমতা বেনাৰ্জী, বিহাৰৰ মুখ্যমন্ত্ৰী নীতিশ কুমাৰ ব্যস্ততাৰ বাবে ৬ ডিচেম্বৰৰ সলনি ১৯ ডিচেম্বৰলৈ পিছুৱাই দিয়া হৈছিল বৈঠকখন(I.N.D.I.A. Bloc Meeting) ৷
খবৰ অনুসৰি ইতিমধ্যে I.N.D.I.A মিত্ৰজোঁট এই বৈঠকত অংশগ্ৰহণ কৰিবলৈ I.N.D.I.A ৰ প্ৰায়বোৰ দলৰ নেতা নতুন দিল্লীত উপস্থিত হৈছে ৷ কিন্তু এই বৈঠকত কোন কোন নেতাত উপস্থিত থাকিব সেয়া এতিয়াও স্পষ্ট হোৱা নাই(Crucial gathering today in Delhi; all eyes on seat sharing) ৷
বিৰোধী মিত্ৰজোঁট এই বৈঠকৰ পূৰ্বে সোমবাৰে মমতাই উল্লেখ কৰিছিল যে, লোকসভা নিৰ্বাচনৰ ফলাফলৰ পাচতহে কোন প্ৰধানমন্ত্ৰী হ’ব সেয়া নিশ্চিত কৰা হ’ব ৷ ইতিমধ্যে সমগ্ৰ দেশতে মিত্ৰজোঁটৰ অংশীদাৰসকলৰ বাবে প্ৰচাৰ চলাবলৈ সাজু বুলি সংবাদ মাধ্যমৰ আগত মন্তব্য কৰিছিল মমতাই ৷
ইফালে, সোমবাৰে নিশাৰ ভাগত দিল্লীৰ মুখ্যমন্ত্ৰী অৰবিন্দ কেজৰিৱালৰ সৈতে এখন বৈঠকত মিলিত হৈছিল মমতা বেনাৰ্জী ৷ উক্ত বৈঠকতে দেশৰ ৰাজনৈতিক পৰিস্থিতিৰ বিষয়ে আলোচনা কৰিছিল বুলি জানিব পৰা গৈছে ৷