ভাৰতীয় কিষাণ ইউনিয়নৰ(বিকেইউ) উগ্ৰহন গোটে শুকুৰবাৰে প্ৰধানমন্ত্ৰী নৰেন্দ্ৰ মোদীৰ তিনিটা বিতৰ্কিত কৃষি আইন বাতিল কৰাৰ ঘোষণাক আদৰণি জনাইছে।
গুৰু নানক জয়ন্তী উপলক্ষে দেশবাসীক সম্বোধন কৰি মোদীয়ে কয় যে সংসদৰ আগন্তুক শীতকালীন অধিৱেশনত তিনিখন কৃষি আইন বাতিল কৰা হ’ব।
Related Posts
বিকেইউৰ উগ্ৰহন গোটৰ নেতা যোগিন্দৰ সিং উগ্ৰহনে কয়, “গুৰুপূৰব উপলক্ষে প্ৰধানমন্ত্ৰী নৰেন্দ্ৰ মোদীৰ এইটো এটা ভাল পদক্ষেপ।”
প্ৰতিবাদকাৰী কৃষকসকলক তেওঁলোকৰ ঘৰলৈ উভতি যাবলৈ প্ৰধানমন্ত্ৰীয়ে কৰা আবেদনসন্দৰ্ভত উগ্ৰহনে কয়, “কৃষক সংগঠনসমূহে একেলগে বহি ভৱিষ্যতৰ কাৰ্যপন্থা নিৰ্ধাৰণ কৰিব।”
বিকেইউ (উগ্ৰহন) হৈছে সকলো প্ৰতিবাদকাৰী কৃষক সংগঠনৰ ভিতৰত সৰ্ববৃহৎ।তিনিখন কৃষি আইন বাতিলৰ দাবীত বিভিন্ন কৃষক সংগঠনে যোৱা বছৰৰ পৰা ৰাষ্ট্ৰীয় ৰাজধানীৰ সীমাত প্ৰতিবাদ কৰি আহিছে।