Assam | Doboka news: ডবকাত তিনি কোটি টকীয়া পকী নলা নিৰ্মাণ কাৰ্য চলি থকা অৱস্থাতে ভাঙি পৰিল পকী নলা
ডবকা: এজাক বৰষুণতে কৃএিম বানৰ কবলত পৰা ডবকা চহৰৰ মুল পথ সমূহৰ পৰা পানী নিস্কাষনৰ বাবে পকী নলা নিৰ্মানত ব্যাপক অনিয়ম হোৱাৰ অভিযোগ উঠিছে।গড়্কাপ্টানী বিভাগৰ অধীনত প্ৰায় তিনি কোটি টকা ব্যয় সাপেক্ষে পকী নলা নিৰ্মাণত নিম্ন মানৰ সামগ্ৰী ব্যৱহাৰ কৰাত আজি নলা নিৰ্মাণ কাৰ্য চলি থকা অৱস্থাত খহি পৰাত ৰাইজৰ মাজত প্ৰতিক্ৰিয়াৰ সৃষ্টি হৈছে।
ডবকাৰ অসম গ্ৰামীণ বিকাশ বেংকৰ সন্মুখত থকা গড়কাপ্টানী পথৰ কাষত পকী নলাৰ কাম চলি থকা অৱস্থাত এই ঘটনাটো সংঘটিত হয়।স্থানীয় একাংশ সচেতন লোকে ডবকা গড়কপ্টানী বিভাগৰ এছ ডি অক এই বিষয়ে অভিযোগ দিয়াৰ মুহুৰ্ততে বিষয়াগৰাকী ঘটনাস্থলীত উপস্থিত হৈ নিম্ন মানৰ কামসমূহ ভাঙি পুনৰ আৰম্ভ কৰিবলৈ নিৰ্দেশ প্ৰদান কৰে। নিৰ্মাণ কাৰ্যত চিমেন্টৰ পৰিমান কম হোৱাৰ বাবে পকী নলাৰ ঢাকোণ আৰু ওৱাল সমূহ ভাঙি যায় বুলি কামত নিয়োজিত শ্ৰমিক সকলে বিষয়াগৰাকীয়ে সন্মুখত স্বীকাৰ কৰে৷
বিষয়া গৰাকীয়ে শ্ৰমিক সকলৰ ওপৰত অগ্নিশৰ্ম্মা হৈ পুনৰ নলা নিৰ্মাণৰ নিৰ্দেশ প্ৰদান কৰাত শ্ৰমিক সকলে নবনিৰ্মিত পকী নলা সমূহ ভাঙি পুনৰ নিৰ্মান কাৰ্য আৰম্ভ কৰে ৷
উল্লেখ্য যে বিগত প্ৰায় ৭/৮ মাহৰ পৰা ডবকা চহৰত পকী নলাৰ কাম শামুকীয়া গতিৰে চলি থকাৰ লগতে নিম্নমানৰ সামগ্ৰী ব্যৱহাৰ কৰাৰ অভিযোগ বিভাগৰ লগতে জিলা আয়ুক্তক ৰাইজে অবগত কৰি আহিছে যদিও মহেশ চেনানীৰ ঠিকাদাৰী প্ৰতিষ্ঠানটোৱে কোনো গুৰুত্ব প্ৰদান নকৰাত সাধাৰণ জনতা ,ব্যৱসায়ী যমৰ যাতনা ভোগ কৰিবলগীয়া হৈছে ।এজাক বৰষুণ হলেই কৃএিম বানৰ সৃষ্টি হয় ডবকা চহৰত৷জিলা আয়ুক্তৰ নিৰ্দেশ কেৰেপ নকৰাৰ অভিযোগ ঠিকাদাৰী প্ৰতিষ্ঠানটোৰ বিৰুদ্ধে ৷ক্ষোভিত ৰাইজে ব্লেক লিষ্টত অন্তৰ্ভুক্ত কৰাৰ দাবী জনাইছে ঠিকাদাৰ প্ৰতিষ্ঠানটোক।
লগতে পঢ়ক: Assam | Mangaldoi news: মঙ্গলদৈত High Profile চোৰ গ্ৰেপ্তাৰ