Delhi Metro Viral Video: চুম্বন, মাৰপিটৰ পিছত এতিয়া দিল্লী মেট্ৰ’ত যুৱতীৰ ‘প’ল ডান্স’ৰ ভিডিঅ’ ভাইৰেল
নেশ্যনেল ডেস্ক, ৮ জুলাই: দিল্লী মেট্ৰ’ এতিয়া একাংশৰ বাবে ৰিল নিৰ্মাণৰ কেন্দ্ৰস্থললৈ পৰিণত হৈছে। শেহতীয়াকৈ দুগৰাকী যুৱতীৰ এটা ভিডিঅ’ই সামাজিক মাধ্যমত অধিক চৰ্চা লাভ কৰা পৰিলক্ষিত হৈছে, য’ত তেওঁলোকে এখন চলন্ত মেট্ৰ’ৰ ভিতৰত এটা পোষ্টত ধৰি নৃত্য কৰি আছে (Women dance inside Delhi Metro)। যুৱতী দুগৰাকীৰ এই ভিডিঅ’টো ইতিমধ্যে ছ’চিয়েল মিডিয়াত হৈ পৰিছে ভাইৰেল (Delhi Metro Viral Video)। অৱশ্যে ভিডিঅ’টোত নৃত্য কৰি থকা থকা যুৱতী দুগৰাকীৰ পৰিচয় এতিয়াও জানিব পৰা হোৱা নাই।
যোৱা কেইটামান মাহৰ পৰা দিল্লী মেট্ৰ’ৰ ভিতৰত বিভিন্ন অদ্ভুত কার্যকলাপৰ ঘটনা বৃদ্ধি পোৱী পৰিলক্ষিত হৈছে ৷ শেহতীয়াকৈ ছচিয়েল মিডিয়াত পোল ডান্সিঙৰ এটা ভিডিঅ’ ক্ৰমাৎ ভাইৰেল হৈ পৰিছে । ভিডিঅ’টোত দেখা অনুসৰি, হিন্দী চিনেমাৰ ছবি ‘সুহাগ’ৰ ‘মেইন তো বেঘৰ হুন’ শীৰ্ষক গীতটোৰ তালে তালে মেট্ৰ’ৰ ভিতৰত দুগৰাকী যুৱতীয়ে নৃত্য কৰি আছে (Inside Delhi Metro angers internet)। এই ভিডিঅ’টো যোৱা ৬ জুলাইত টুইটাৰত ‘হাচনা জৰুৰী হায়’ নামৰ এটা আইডিৰ পৰা প্ৰকাশ কৰা হৈছিল । আৰু ইয়াৰ দুটা দিনৰ ভিতৰতে ভিডিঅ’টো সামাজিক মাধ্যমত অধিক ভাইৰেল হৈ পৰে ।
কেইদিনমান পূৰ্বে দিল্লী মেট্ৰ’ৰ ভিতৰত এজন নপুংসকে এগৰাকী যুৱতী যাত্ৰীৰ পৰা ধন বিচৰাৰ এটা ভিডিঅ’ ভাইৰেল হৈছিল । আশ্চৰ্যজনক কথা এয়ে যে, DMRCৰ নিৰ্দেশনাৰ পাছতো একাংশ যাত্ৰীয়ে দৈনিক মেট্ৰ’ৰ নিয়মবোৰ উলংঘা কৰি আহিছে ।
উল্লেখ্য যে, দিল্লী মেট্ৰ’ত যাত্ৰা কৰা একাংশ যুৱক-যুৱতীৰ দ্বাৰা সংঘটিত বিভিন্ন আপত্তিজনক কৰ্মকাণ্ডৰ অভিযোগ ধাৰাবাহিকভাৱে চর্চালৈ অহা দেখিবলৈ পোৱা গৈছে ৷ কেতিয়াবা যদি বিকিনি পিন্ধি যুৱতীয়ে ভিডিঅ’ ভাইৰেল হৈছে, কেতিয়াবা আকৌ মেট্ৰ’ৰ ভিতৰত কোনোৱে অশ্লীল কাৰ্যকলাপ কৰা ভিডিঅ’ ভাইৰেল হৈছে ।
ইফালে মেট্ৰ’ৰ ভিতৰত ৰিল বনোৱাসকলক জৰিমনা বিহাৰ লগতে আইনী ব্যৱস্থা গ্ৰহণৰ কথা উল্লেখ কৰি DMRCয়ে বহুবাৰ সকীয়নি প্ৰদান কৰিছে। ইয়াৰ পিছতো দিল্লী মেট্ৰ’ত হৈ অহা বিভিন্ন আপত্তিজনক কাৰ্য কৰা লোকৰ সংখ্যা হ্ৰাস পোৱা পৰিলক্ষিত হোৱা নাই। বৰঞ্চ একাংশই মেট্ৰ’ৰ নিয়মসমূহ সঘনাই অধিক উলংঘনহে কৰি আহিছে ।
লগতে পঢ়ক : No kissing in Metro : এতিয়াৰে পৰা আৰু নহ’ব চুম্বন ! মেট্ৰ’ত তীক্ষ্ণ দৃষ্টি ৰাখিব আৰক্ষীয়ে