Congress leader Rahul Gandhi arrives in Aizawl : দুদিনীয়া কাৰ্যসূচীৰে মিজোৰামত উপস্থিত ৰাহুল গান্ধী
নেশ্যনেল ডেস্ক, ১৬অক্টোবৰ : সোমবাৰে দুদিনীয়া কাৰ্যসূচীৰে মিজোৰামত উপস্থিত হয় কংগ্ৰেছ নেতা ৰাহুল গান্ধী । মিজোৰামত নিৰ্বাচনৰ প্ৰচাৰ কৰিব কংগ্ৰেছ সাংসদ ৰাহুল গান্ধী । কংগ্ৰেছ নেতা ৰাহুল গান্ধীৰ এই দুদিনীয়া কাৰ্যসূচীত আগন্তুক ৭ নৱেম্বৰত অনুষ্ঠিত হ’বলগীয়া বিধানসভা নিৰ্বাচনত দলৰ প্ৰাৰ্থীৰ হৈ প্ৰচাৰ চলাব বুলি দলটোৰ বিষয়াসকলে নিশ্চিত কৰিছে(Rahul Gandhi arrives in poll bound Mizoram on two day visit)।
আজি কংগ্ৰেছ নেতাগৰাকীয়ে মিজোৰামত উপস্থিত হোৱাৰ পাছতেই চানমাৰী (আইজল)ৰ পৰা ৰাজভৱনলৈ পদযাত্ৰা কৰে । কংগ্ৰেছৰ মুখপাত্ৰ মেথিউ এণ্টনিয়ে ৰাহুল গান্ধীৰ এই মিজোৰাম ভ্ৰমণ বহু প্ৰত্যাশিত বুলি উল্লেখ কৰে ।লগতে কংগ্ৰেছৰ মুখপাত্ৰ গৰাকীয়ে ক য়ে মিজোৰামত ১৯৮৬ চনত ৰাহুল গান্ধীৰ পিতৃ ৰাজীৱ গান্ধীৰ ভ্ৰমণৰ বহু ভাল লগা স্মৃতি জড়িত হৈ আছে আৰু তেওঁ ৰাহুল গান্ধীৰ ভ্ৰমণক লৈও নিজৰ উল্লাস ব্যক্ত কৰে (Rahul Gandhi arrives in Aizawl for two day visit to poll bound Mizoram)।
কংগ্ৰেছৰ মুখপাত্ৰ মেথিউ এণ্টনিয়ে কয়,কংগ্ৰেছ সাংসদ ৰাহুল গান্ধী এই মিজোৰাম ভ্ৰমণৰ আন এক তাৎপৰ্য হ’ল যে যি সময়ত মেৰুকৰণ আৰু জাতিগত বিষয়ত লৈ দেশ বিভাজিত হৈ আছে, সেই সময়ত তেওঁ ভাৰত জোড়ো যাত্ৰা চলাই আছে (Congress leader Rahul Gandhi arrives in Aizawl)।
ইফালে আগন্তুক বিধানসভা নিৰ্বাচনৰ নিৰ্বাচনী প্ৰস্তুতিৰ সন্দৰ্ভত মন্তব্য কৰি তেওঁ কয়, “আমি আশাবাদী যে আমি চৰকাৰ গঠন কৰিম । কাইলৈ অৰ্থাৎ মঙলবাৰে তেওঁ (ৰাহুল গান্ধীয়ে) দলৰ নেতাসকলক সাক্ষাৎ কৰি ৰাজহুৱা সভাত ভাষণ দিব । এতিয়াৰ পৰা যিকোনো সময়তে দলৰ প্ৰাৰ্থীৰ ঘোষণা কৰাৰ আশা কৰিব পাৰি ।
ইফালে কংগ্ৰেছ নেতা ৰাহুল গান্ধীৰ মিজোৰাম ভ্ৰমণ সন্দৰ্ভত মিজোৰামৰ মুখ্যমন্ত্ৰী জোৰামথাংগাই কয়, “ৰাহুল গান্ধীৰ ভ্ৰমণ দলৰ (কংগ্ৰেছ) বাবে ভাল হ’ব পাৰে । কিন্তু তাৰ বিশেষ সামগ্ৰিক প্ৰভাৱ মিজোৰামৰ জনতাৰ ওপৰত নপৰে। গতিকে, ইয়াৰ বিশেষ অৰ্থ থাকিব বুলি মই নাভাবো ।”
উল্লেখ্য যে, “৪০ জনীয়া মিজোৰাম বিধানসভাত মিজো নেচনেল ফ্ৰণ্টে ৩৭.৮ শতাংশ ভোটৰ অংশীদাৰিত্বৰে ২৬খন আসন লাভ কৰি ২০১৮ চনৰ চৰকাৰ গঠন কৰিছিল । কংগ্ৰেছে ৰাজ্যখনত পাঁচখন আসন লাভ কৰা বিপৰীতে বৰ্তমানৰ শাসকীয় বিজেপিয়ে এখন আসন লাভ কৰে ।
লগতে পঢ়ক : Mizoram Assembly elections: : মিজোৰামত নিৰ্বাচনৰ প্ৰচাৰৰ বাবে উপস্থিত হ’ব কংগ্ৰেছ সাংসদ ৰাহুল গান্ধী