কংগ্ৰেছত পুনৰ খহনীয়া

নিউজ ডেস্ক, ৬ আগষ্ট : কলহীকাষত কংগ্ৰেছ দলৰ বিধায়ক ৰেকিবুদ্দিনৰ প্ৰতি মোহভংগ ৰাইজৰ। কংগ্ৰেছ এৰি অগপ দলত যোগদান শতাধিক ৰাইজৰ ৷

ছয়গাঁও সমষ্টিৰ কলহীকাষত ডেৰ শতাধিক কংগ্ৰেছীয়ে আনুষ্ঠানিকভাৱে যোগ দিলে অগপ দলত ৷

আসন্ন পঞ্চায়ত নিৰ্বাচনত কংগ্ৰেছ নেতৃত্বক প্ৰতুত্তৰ দিবলৈ মাৰ বান্ধি থিয় দিছে সাধাৰণ ৰাইজ ৷

অগপ দলৰ ছয়গাঁও সমষ্টি যুৱ পৰিষদৰ উপ-সভাপতি ৰবিউল হুছেইনৰ নেতৃত্বত কলহীকাষ গাঁৱৰ প্ৰায় ডেৰ শতাধিক কংগ্ৰেছীয়ে আজি আনুষ্ঠানিকভাৱে অগপ দলত যোগদান কৰে ৷

অগপ দলৰ নেতা ডাঃ কমলা কান্ত কলিতাৰ বলিষ্ট নেতৃত্বক সন্মান জনাই কলহীকাষ গাঁৱৰ ৰাইজে সমূহীয়াভাৱে অগপ দলত যোগদান কৰি কমলা কলিতা জিন্দাবাদ, কেশৱ মহন্ত জিন্দাবাদ, অতুল বৰা জিন্দাবাদ আদি ধ্বনি দিয়ে ৷