পঞ্জাৱৰ নতুন মুখ্যমন্ত্ৰীৰ শপত গ্ৰহণ
Related Posts
পঞ্জাৱৰ নতুন মুখ্যমন্ত্ৰী হিচাপে শপত গ্ৰহণ কৰিলে কংগ্ৰেছ নেতা চৰণজিৎ সিং চান্নীয়ে , আনহাতে উপ মুখ্যমন্ত্ৰী হিচাপে সুখজিন্দাৰ সিং ৰন্ধাৱা আৰু অ’পি চোনীয়ে উপ মুখ্যমন্ত্ৰী হিচাপে শপত গ্ৰহণ কৰে । ৰাজ ভৱনত আয়োজিত এক অনুষ্ঠানত পঞ্জাৱৰ ৰাজ্যপাল বানৱাৰীলাল পুৰোহিতে মুখ্যমন্ত্ৰী চৰণজিৎ সিং চান্নীক শপত গ্ৰহণ কৰায় । চান্নী হৈছে ৰাজ্য খনত মুখ্যমন্ত্ৰী দায়িত্ব লোৱা প্ৰথম গৰাকী দলিত । প্ৰাপ্ত তথ্য অনুসৰি এই অনুষ্ঠানলৈ ৪০ জন লোকক আমন্ত্ৰণ জনোৱা হৈছিল । অনুষ্ঠানত উপস্থিত থাকে কংগ্ৰেছ নেতা ৰাহুল গান্ধী, পঞ্জাৱ প্ৰদেশ কংগ্ৰেছৰ সভাপতি নৱজ্যোত সিং সিদ্ধু আৰু হৰিশ ৰাৱট ।