নিউজ ডেস্ক, ৩০ জুন : বৃহস্পতিবাৰে (৩০ জুন) এক বিজ্ঞপ্তি অনুসৰি বিধানসভাৰ সচিব ৰাজেন্দ্ৰ ভাগৱতে জানিবলৈ দিয়ে যে ৰাজ্যপালৰ নিৰ্দেশ অনুসৰি মহাৰাষ্ট্ৰ বিধানসভাৰ বিশেষ অধিৱেশন আহ্বান কৰা নহ’ব বুলি জানিবলৈ দিয়ে।
বুধবাৰে সন্ধিয়া মুখ্যমন্ত্ৰী পদৰ পৰা পদত্যাগ কৰা উদ্ধৱ ঠাকৰেৰ নেতৃত্বত মহা বিকাশ আঘাদী চৰকাৰৰ বিৰুদ্ধে আস্থা ভোটৰ কাৰ্যসূচীৰে আজি দিনৰ ১১ বজাত বিশেষ সভাৰ সময়সূচী নিৰ্ধাৰণ কৰা হৈছিল।
ৰাজ্যপাল ভগত সিং কোশিয়াৰীৰ দ্বাৰা আহ্বান কৰা Floor Testক শিৱসেনাই উচ্চতম ন্যায়ালয়ত প্ৰত্যাহ্বান জনাইছিল। অৱশ্যে শীৰ্ষ ন্যায়ালয়ে Floor Test স্থগিত ৰাখিবলৈ অস্বীকাৰ কৰে আৰু ইয়াৰ পৰ্যৱেক্ষণত কৈছিল যে গণতন্ত্ৰৰ এই বিষয়বোৰ নিষ্পত্তি কৰাৰ একমাত্ৰ উপায় হৈছে সদনৰ মজিয়া।
শীৰ্ষ আদালতৰ নিৰ্দেশৰ কেইমিনিটমান পিছত, ঠাকৰেয়ে ছ’চিয়েল মিডিয়াৰ জৰিয়তে ৰাজ্যখনৰ জনসাধাৰণক সম্বোধন কৰে য’ত তেওঁ মুখ্যমন্ত্ৰী আৰু বিধান পৰিষদৰ সদস্য পদ ত্যাগ কৰাৰ সিদ্ধান্ত ঘোষণা কৰে।
এই ঘোষণাই ৰাজ্যখনত এসপ্তাহ ধৰি উদ্ভৱ হোৱা ৰাজনৈতিক সংকটৰ সমাপ্তি ঘটাইছিল ।
উল্লেখ্য যে শিৱসেনাৰ বিধায়কসকলৰ এটা দলে চৰকাৰ গঠনৰ বাবে NCP আৰু কংগ্ৰেছৰ সৈতে হাত মিলাই তেওঁৰ বিৰুদ্ধে বিদ্ৰোহ কৰিছিল।