বকো: কংগ্ৰেছ কৰ্মীৰ পদুলিয়ে পদুলিয়ে উৰিব দলীয় পতাকা। কংগ্ৰেছ দলে আৰম্ভ কৰিছে এক বিশেষ কাৰ্যসূচী। কামৰূপ জিলা কংগ্ৰেছৰ কৰ্মীৰ মাজত দেখা গৈছে তৎপৰতা। জিলা কংগ্ৰেছৰ সভাপতি প্ৰাণজিত চৌধুৰীৰ নিৰ্দেশত বকো ব্লক কংগ্ৰেছৰ সভাপতি অৰবিন্দ ৰাভাৰ বিশেষ উদ্যোগ।
এতিয়াৰে পৰা প্ৰত্যেকজন কংগ্ৰেছ কৰ্মীৰ ঘৰে ঘৰে উৰোৱা হ’ব পতাকা। ব্লক , মণ্ডল তথা বুথ পৰ্যায়ৰ বিষয়ববীয়াৰ ঘৰত উৰুৱা হ’ব পতাকা। আজি উক্ত কাৰ্যসূচীৰ অংশস্বৰূপে ৩৩ নং পুৱ বেকেলী গাঁও পঞ্চায়তৰ অন্তৰ্গত মণ্ডল সভাপতি দিপেন দাসৰ বাসগৃহত উৰোৱা হয় পতাকা। যুঁজ এখন হ’ব শীৰ্ষক বাণীৰে কংগ্ৰেছীৰ পদুলিয়ে পদুলিয়ে চলোৱা এই অভিযান।
উল্লেখ্য যে, এই অভিযানৰ জৰিয়তে প্ৰতিজন কংগ্ৰেছ কৰ্মীৰ মনোবল বৃদ্ধি কৰা তথা উৎসাহ যোগোৱা আৰু ভেটি শক্তিশালী কৰা প্ৰয়াস। মণ্ডল সভাপতি সকলে বুথ সভাপতিৰ ঘৰত গৈ মনৰ বুজ ল’ব বুলিও জানিবলৈ দিয়ে অৰবিন্দ ৰাভাই। কাৰ্যসূচীত APCCৰ সংখ্যালঘু বিভাগৰ উপ সভাপতি জনচন জে চাংমা, জিলা গোৰ্খা কোষৰ সভাপতি কামাখ্যা চেত্ৰীৰ লগতে দলীয় কৰ্মী উপস্থিত থাকে।
লগতে পঢ়ক: Watch | Rangia news: ৰঙিয়াত বহি:ৰাজ্যৰ আ-অলংকাৰ চুৰি চক্ৰ