বিলাসীপাৰা: পট্টাভূক্ত ভূমি অধিগ্ৰহণৰ বিৰুদ্ধে অনিৰ্দিষ্ট কালীন খিলঞ্জীয়া ৰাইজৰ প্ৰতিবাদী অৱস্থান ধৰ্মঘট আজি পঞ্চম দিনত শ শ ৰাইজ বৰষুণৰ মাজতে প্ৰতিবাদ সাব্যস্ত কৰে। চাপৰ ৰাজহ চক্ৰৰ অন্তৰ্গত চিৰাকুটা ১ম খণ্ড আৰু জমদুৱাৰ প্ৰথম খণ্ড গাঁৱৰ খিলঞ্জীয়া পৰিয়ালক দিলে উচ্ছেদৰ জাননী। চিৰাকুটাত পট্ৰাভুক্ত ভূমি অধিগ্ৰহণৰ বিৰুদ্ধে অনিৰ্দিষ্ট কাললৈ ৰাইজৰ প্ৰতিবাদী কাৰ্যসূচী ৰূপায়ন।
তাপ বিদ্যুৎ প্ৰকল্প স্থাপনৰ বাবে পুনৰ দুই হাজাৰ বিঘা মাটি অধিগ্ৰহণৰ বাবে আৰু উচ্ছেদ জাননী প্ৰেৰণ কৰিছে ধুবুৰী জিলা প্ৰশাসনে। চিৰাকুটা প্ৰথম খণ্ড আৰু জমদুৱাৰ দ্বিতীয় আৰু প্ৰথম খণ্ড গাঁৱত যুগ যুগ ধৰি খিলঞ্জীয়া ভুমি পুত্ৰ ৰাজবংশী,জন জাতি আৰু দেশী মানুহে বসবাস কৰি আহিছে।
উক্ত মাটিত আদানি গ্ৰুপক গতাই দিয়াৰ বাবে যো জা চলাইছে হিমন্ত বিশ্ব শৰ্মা চৰকাৰে। উক্ত মাটিত পট্ৰাভুক্ত ভূমি খিলঞ্জীয়া মানুহে এক কটাও মাটিও এৰি নিদিয়াৰ হুংকাৰ প্ৰদান কৰে। অতি শীঘ্ৰে এই সিদ্ধান্ত বাতিল কৰাৰ দাবী উত্থাপন কৰে খিলঞ্জীয়া মুছলমান আৰু ৰাজবংশী ৰাইজে।