Bhupen Kumar Borah Announces Committees for ‘Bharat Jodo Nyay Yatra’ : ১৮ৰ পৰা ২৫জানুৱাৰীলৈ অসমত হ’ব “ভাৰত জোড়ো ন্যায় যাত্ৰা”
নিউজ ডেস্ক, ৭ জানুৱাৰী : অসমত হ’ব ১৮ৰ পৰা ২৫জানুৱাৰীলৈ “ভাৰত জোড়ো ন্যায় যাত্ৰা” । অসমত “ভাৰত জোড়ো ন্যায় যাত্ৰা” ভাগ ল’ব কংগ্ৰেছ সাংসদ ৰাহুল গান্ধী ।
“ভাৰত জোড়ো ন্যায় যাত্ৰা” উপলক্ষে অসম প্ৰদেশ কংগ্ৰেছ কমিটীৰ সভাপতি ভূপেন কুমাৰ বৰাই ২৫খন সমিতি গঠন কৰে । ২১জনকৈ নেতাক এই সমিতিসমূহৰ দায়িত্ব অৰ্পন কৰে । প্ৰতিখন সমিতিত আঠজন সদস্য থাকিব। প্ৰয়োজন হ’লে অধ্যক্ষই মুঠ সদস্যৰ সংখ্যা ১১ জনলৈ বৃদ্ধি কৰাৰ সম্ভাৱনা আছে(Bhupen Kumar Borah Announces Committees for ‘Bharat Jodo Nyay Yatra’) ।
এক নিৰ্দেশত এ পি চি চিৰ মুৰব্বীগৰাকীয়ে কয় যে , ‘নিযুক্ত অধ্যক্ষসকলে ২৪ ঘণ্টাৰ ভিতৰত সৰ্বাধিক আঠজনীয়া সমিতিৰ প্ৰস্তাৱ দিব লাগিব। প্ৰস্তাৱিত সমিতিসমূহত আৰু তিনিজন সদস্য যোগ কৰাৰ সম্ভাৱনা আছে। মন কৰিবলগীয়া যে প্ৰতিখন সমিতিত এজন সহ অধ্যক্ষ, উপাধ্যক্ষ, সদস্য, আৰু এজন আহ্বায়ক থাকিব।”
উল্লেখ্য যে, বিৰোধী দলৰ নেতা দেবব্ৰত শইকীয়া পৰিকল্পনা সমিতিৰ অধ্যক্ষ, ৰকিবুল হুছেইন প্ৰচাৰ সমিতিৰ অধ্যক্ষ, ৰাণা গোস্বামীয়ে থকাৰ সমিতিৰ নেতৃত্ব দিব, কমলাখ্যা দে পুৰকায়স্থ আৰু জাকিৰ হুছেইন শিকদাৰ পথ সমিতি আৰু ৰোড শ্ব’ সমিতিৰ অধ্যক্ষ দায়িত্ব (Bhupen Kumar Borah Announces Committees for ‘Bharat Jodo Nyay Yatra’ in Assam) ।
ইফালে প্ৰদ্যুৎ বৰদলৈক অসামৰিক সমাজ সমন্বয় সমিতিৰ নেতৃত্ব দিবলৈ, ভাৰত চন্দ্ৰ নৰহক মিডিয়া সমিতিৰ নেতৃত্ব দিবলৈ, সাংসদ আব্দুল খালেকক অনুশাসন সমিতিৰ নেতৃত্ব দিবলৈ আৰু বিধায়ক
ৰেকিবুদ্দিন আহমেদক পৰিবহণ সমিতিৰ নেতৃত্ব দিবলৈ দায়িত্ব দিয়া হৈছে।
লগতে পঢ়ক :Road Accident : দেৰগাঁৱত ভয়ংকৰ পথ দুৰ্ঘটনা