Baibhavi Upadhyay Passed Away: জনপ্ৰিয় অভিনেত্ৰী বৈভৱী উপাধ্যায় আৰু নাই
এন্টাৰটেইনমেন্ট ডেস্ক, ২৪ মে’: জনপ্ৰিয় অভিনেত্ৰী বৈভৱী উপাধ্যায় আৰু নাই(Baibhavi Upadhyay Passed Away)। এক পথ দূৰ্ঘটনাই প্ৰাণ কাঢ়িলে জনপ্ৰিয় অভিনেত্ৰী বৈভৱী উপাধ্যায়ৰ। জনপ্ৰিয় টিভি চিৰিয়েল ‘ছাৰাভাই বনাম ছাৰাভাই’ত জেচমিনৰ চৰিত্ৰত অভিনয় কৰিছিল জনপ্ৰিয় অভিনেত্ৰী বৈভৱী উপাধ্যায়ে ৷
মঙলবাৰে হিমাচল প্ৰদেশত সংঘটিত হয় এক ভয়ংকৰ পথ দুৰ্ঘটনা । প্ৰাপ্ত তথ্য অনুসৰি অনুসৰি বন্ধুৰ সৈতে অভিনেত্ৰীগৰাকীয়ে গৈ থকাৰ অৱস্থাতে তেওলোকৰ বাহনখনে এটা কেকুৰীত টাৰ্ণিং লওতেই সংঘটিত হয় অনাকাংক্ষিত ঘটনাটো (Baibhavi Upadhyaya Died in a car accident)৷ মৃত্যুৰ সময়ত অভিনেত্ৰীগৰাকীৰ বয়স আছিল ৩২ বছৰ । বৈভৱীৰ মৃত্যুত সৰু পৰ্দাৰ লগত জৰিত উদ্যোগৰ কলা কুশলীসকল স্তম্ভিত হৈ পৰিছে ।
এই শোকাৱহ দুৰ্ঘটনাটোৰ পিছতে অভিনেত্ৰীগৰাকীৰ পৰিয়ালে তেওঁৰ মৃতদেহটো মুম্বাইলৈ আনে । আজি অৰ্থা ২৪ মে’ বুধবাৰে পুৱা ১১ বজাত অন্ত্যেষ্টিক্ৰিয়া সম্পন্ন হয় জনপ্ৰিয় অভিনেত্ৰী গৰাকীৰ (Sarabhai Vs Sarabhai actress Baibhavi Upadhyay)। বৈভৱীৰ এই আকস্মিক বিয়োগত শোকস্তব্ধ হৈ পৰিছে তেওৰ সহ অভিনেতা লগতে তেওঁৰ অনুৰাগীসকল ।
তেওৰ অফিচিয়েল ইনষ্টাগ্ৰাম হেণ্ডেলত বৈভৱীৰ এই আকস্মিক মৃত্যুত খবৰ নিশ্চিত কৰিছে একেলগে কাম কৰা অভিনেতা তথা প্ৰযোজক জে ডি মাজেথিয়াই । তেওঁ লিখিছে, “জীৱনটো অতি অভাৱনীয় । এগৰাকী সু অভিনেত্ৰী, প্ৰিয় বন্ধু বৈভৱী উপাধ্যায়, জনপ্ৰিয় ধাৰাবাহিক ছাৰাভাই বনাম ছাৰাভাইত “জেচমিন” নামেৰে পৰিচিত । এক দুৰ্ঘটনা মৃত্যু হয় অভিনেত্ৰীগৰাকী । তোমাৰ বিদেহী আত্মাই শান্তি পাওক বৈভৱী ।
লগতে অভিনেত্ৰীগৰাকীৰ মৃত্যুত গভীৰ শোক প্ৰকাশ কৰিছে টেলিভিশ্যন উদ্যোগৰ বহু তাৰকাই । বৈভৱী উপাধ্যায়ৰ মৃত্যুত শোক প্ৰকাশ কৰিছে ষ্টাৰ প্লাছৰ জনপ্ৰিয় শ্ব’ ‘অনুপমা’ৰ মুখ্য অভিনেত্ৰী ৰূপালী গাংগুলীয়ে(Baibhavi Upadhyay Death) । ধাৰাবাহিকখনৰ পৰা বৈভৱীৰ এখন ছবি তেওঁৰ ইনষ্টাগ্ৰাম ষ্ট’ৰীত শ্বেয়াৰ কৰি লিখিছে, “বহুত সোনকালে বৈভৱী…” ৷ ইয়াৰ পিছত অভিনেত্ৰীগৰাকীয়ে নিজৰ ইনষ্টা ষ্ট’ৰীত বৈভৱী উপাধ্যায়ৰ এটা ইনষ্টাগ্ৰাম ৰিল শ্বেয়াৰ কৰিছে আৰু লিখিছে, “বিশ্বাস কৰিব পৰা নাই ৷ বৈভৱীৰ মৃত্যুত স্তম্ভিত সৰু পৰ্দাৰ উদ্যোগটো ।