Actor Nitesh Pandey passed away: হৃদক্রিয়া বন্ধ হৈ মৃত্যু অভিনেতা নিতেশ পাণ্ডেৰ
এণ্টাৰটেইনমেণ্ট ডেস্ক , ২৪ মে’ : ষ্টাৰ প্লাছৰ জনপ্ৰিয় হিন্দী ধাৰাবাহিক অনুপমাত শেষবাৰৰ বাবে ধীৰাজৰ চৰিত্ৰত দেখা পোৱা সৰু পৰ্দাৰ জগতৰ জনপ্ৰিয় অভিনেতা নিতেশ পাণ্ডেৰ মঙলবাৰে নিশা মৃত্যু হয় (Anupama actor Nitish Pandey passed away)। মৃত্যুৰ সময়ত অভিনেতাগৰাকীৰ বয়স আছিল ৫১ বছৰ ।
মহাৰাষ্ট্ৰৰ ইগাটপুৰীৰ নাছিকৰ এখন হোটেলত থকাৰ অৱস্থাত মৃত্যু হয় অভিনেতাগৰাকীৰ । হৃদযন্ত্ৰৰ ক্ৰিয়া বন্ধ হৈ পৰাৰ ফলতে মৃত্যু হয় অভিনেতা নিতেশ পাণ্ডেৰ (TV Actor Nitesh Pandey Dies of Heart attack) । বৰ্তমান আৰক্ষীৰ এটা দল হোটেলখনত উপস্থিত হৈ তদন্ত আৰম্ভ কৰিছে । হোটেলৰ কৰ্মচাৰীৰ লগতে নিতেশ পাণ্ডেৰ ঘনিষ্ঠ আন লোকসকলকো জেৰা অব্যাহত ৰাখিছে আৰক্ষীয়ে ।
উল্লেখ্য যে টেলিভিশ্যন আৰু চলচিত্ৰ জগতৰ চিনাকি মুখ আছিল নিতেশ পাণ্ডে । ৯০ৰ দশকত মঞ্চ থিয়েটাৰৰ জড়িয়তে অভিনয়ৰ জগতখনত প্ৰৱেশ কৰা নিতেশে পৰৱৰ্তী সময়ত তেজস নামৰ এটা অল্পকালীন টিভি শ্ব’ত গোয়েন্দাৰ চৰিত্ৰত অভিনয় কৰিছিল ।
অস্তিত্ব এক প্ৰেম কাহানী, মঞ্জিলে আপনি আপনি, চায়া, দুৰ্গেশ নন্দিনী আৰু জুস্তাজুৰ দৰে ধাৰাবাহিকত অভিনয় কৰি জনপ্ৰিয়তা অৰ্জন কৰিছিল অভিনেতা নিতেশ পাণ্ডে । উল্লেখ্য যে শ্বাহৰুখ খানৰ সৈতে ওম শান্তি ওম ছবিখনত কৰা অভিনয় তথা বিভিন্ন ধাৰাবাহিক, ছবিত এক সুকীয়া অভিনশৈলীৰে সকলোকে আপ্লুত কৰিবলৈ সক্ষম হৈছিল ।
নিতেশ কেৱল এজন অভিনেতাই নহয়, এজন ভাল লেখকো আছিল । ইয়াৰ উপৰিও তেওঁ ড্ৰিম কেছল প্ৰডাকচন নামৰ এটা স্বতন্ত্ৰ প্ৰডাকচন হাউচ চলাইছিল যিয়ে ৰেডিঅ’ শ্ব’ও কৰিছিল ।
প্ৰতিভাৱান অভিনেতাগৰাকীক শেষবাৰৰ বাবে দেখা গৈছিল ষ্টাৰ প্লাছৰ নাট্য ধাৰাবাহিক অনুপমাত, য’ত অনুজ কাপাদিয়াৰ বেষ্ট ফ্ৰেণ্ড ধীৰাজৰ চৰিত্ৰত অভিনয় কৰিছিল । ধীৰাজে তেওঁৰ সকলো প্ৰজেক্টতে কৰা সুন্দৰ প্ৰদৰ্শনৰ বাবে সদায়েই প্ৰশংসা লাভ কৰিবলৈ সক্ষম হৈছিল । অভিনেতাগৰাকীৰ আকস্মিক মৃত্যুৱে নিশ্চিতভাৱে শূন্যতাৰ সৃষ্টি কৰিছে ।
লগতে পঢ়ক : Baibhavi Upadhyay Passed Away: জনপ্ৰিয় অভিনেত্ৰী বৈভৱী উপাধ্যায় আৰু নাই