নিউজ ডেস্ক, ২২ জুন : অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ পত্নী ৰিনিকি ভূঞা শৰ্মাই মঙলবাৰে দিল্লীৰ উপ মুখ্যমন্ত্ৰী Manish Sisodiaৰ বিৰুদ্ধে ১০০ কোটি টকাৰ মান হানিৰ গোচৰ ৰুজু কৰিছে।
২০২০ চনত কোভিড-১৯ মহামাৰীৰ সময়ত বজাৰৰ হাৰতকৈ অধিক মূল্যৰ PPE-Kit যোগান ধৰাৰ বাবে অসম চৰকাৰে তেওঁৰ পত্নীৰ প্ৰতিষ্ঠান আৰু পুত্ৰৰ ব্যৱসায়িক অংশীদাৰসকলক চুক্তি হস্তান্তৰ কৰাৰ অভিযোগত আম আদমী পাৰ্টিৰ (AAP) নেতাৰ বিৰুদ্ধে অসামৰিক মানহানিৰ গোচৰ ৰুজু কৰা হ’ব বুলি মুখ্যমন্ত্ৰী শৰ্মাই কোৱাৰ এসপ্তাহৰ পিছতে শ্ৰীমতী শৰ্মাৰ হৈ অধিবক্তা পদ্মধা নায়কে গুৱাহাটী অসামৰিক আদালতত মানহানিৰ গোচৰটো দাখিল কৰে।
নায়কে কয়, “আপুনি জানে যে ৪ জুনত আপ নেতা তথা দিল্লীৰ উপ মুখ্যমন্ত্ৰী Manish Sisodiaই দিল্লীত এখন সংবাদমেল আহ্বান কৰিছিল আৰু মোৰ clientৰ বিৰুদ্ধে কিছুমান মন্তব্য কৰিছিল, তেওঁ অভিযোগ কৰিছিল যে তেওঁ ২০২০ চনৰ মাৰ্চত ৰাষ্ট্ৰীয় স্বাস্থ্য মিছনলৈ PPE-Kit যোগান ধৰাৰ বাবে চৰকাৰী চুক্তি লাভ কৰিছিল। এইটো এটা সম্পূৰ্ণ মিছা আৰু মানহানিকৰ মন্তব্য।”
অধিবক্তাজনে কয়, “শ্ৰীমতী শৰ্মাই কেতিয়াও N.H.M.-ক ব্যৱসায়িক লেনদেন হিচাপে কোনো PPE-Kit যোগান ধৰা নাছিল আৰু দৰাচলতে, কৰ্পোৰেট সামাজিক দায়বদ্ধতা হিচাপে ১,৪৮৫টা কিট এনে দান কৰিছিল” ।
নায়কে লগতে কয় যে “আমি গুৱাহাটীত মনীষ চিছোদিয়াৰ বিৰুদ্ধে এটা Civil Defamation গোচৰ ৰুজু কৰিছো আৰু আমি আশা কৰিছো যে গোচৰটো কাইলৈ তালিকাভুক্ত কৰা হ’ব। আমি ১০০ কোটি টকাৰ ক্ষতিৰ দাবী কৰিছো,” ।