শিৱসেনাৰ মুখপত্ৰ ‘সামনা’ত থকা-সৰকা অৰ্ণৱ গোস্বামীক

মুম্বাইৰ অভিনেতা সুশান্ত সিং ৰাজপুতৰ আত্মহত্যাৰ তদন্তত স্বয়ম্ভু বিচাৰকৰ ভুমিকা লৈছে সাংবাদিক অৰ্ণৱ গোস্বামীয়ে।শিৱসেনাৰ মুখপত্ৰ ‘সামনা’ৰ শেহতীয়া সংখ্যাৰ সম্পাদকীয়ত ৰিপাব্লিক চেনেলৰ মুখ্য সম্পাদক অৰ্ণৱ গোস্বামীক চোকা সমালোচনা কৰি এই কথা প্ৰকাশ কৰা হৈছে।আনকি মহাৰাষ্ট্ৰৰ মুখ্যমন্ত্ৰী উদ্ধৱ থাকৰেৰ ভাৱমূৰ্তী বিনষ্ট কৰাৰ বাবে মিডিয়াৰ জৰিয়তে অৰ্ণৱে বিজেপিৰ হৈ অপপ্ৰচাৰ চলোৱা বুলিও উল্লেখ কৰা হৈছে শিৱসেনাৰ মুখপত্ৰত।সৰ্বোচ্চ ন্যায়ালয়ত বিচাৰাধীন সুশান্তৰ আত্মহত্যাৰ বিষয়ত বিহাৰৰ ডিজিপিৰ যুক্তিহীন সাক্ষাৎ গ্ৰহনেৰে মুম্বাই পুলিচৰ বদনাম ৰচিবলৈ উঠি পৰি লাগি ৰিপাব্লিকৰ মুখ্য সম্পাদকজনে নিন্দনীয় স্থিতি গ্ৰহণ কৰা বুলিও সম্পাদকীয়টোত উল্লেখ কৰা হৈছে।’সামনা’ৰ সম্পাদক সঞ্জয় ৰাউতে উল্লেখ কৰিছে যে ৰিপাব্লিকত মুখ্যমন্ত্ৰী উদ্ধৱ থাকৰেৰ প্ৰতি অৰ্ণৱ গোস্বামীৰ কটু বাক্যবাণ শুনি তেওঁলৈ আনকি এন চি পিৰ মুৰব্বী শাৰদ যাদৱেও ফোন কৰি ইয়াৰ দ্বাৰা সৰ্বসাধাৰণলৈ মহাৰাষ্ট্ৰ চৰকাৰ সন্দৰ্ভত এটা বিৰূপ বাৰ্তা যাব বুলি সকিয়াই দিছে।
সুশান্তৰ আত্মহত্যাৰ ঘটনাটোৰ সৈতে তিনি গৰাকী নাৰীৰ নাম সাঙোৰ খাই থকাৰ বাবেই বিষয়টোক মিডিয়াই অতিৰঞ্জিত ৰূপ দিয়া বুলিও শিৱসেনাৰ মুখপত্ৰত কটাক্ষ কৰা হৈছে।