নিউজ ডেস্ক, ১১ জুলাই : সোমবাৰে ৰাতিপুৱা পুনৰ আৰম্ভ হৈছে অমৰনাথ যাত্ৰা।
আজি পুৱা ৫ বজাত জম্মু আধাৰ শিবিৰৰ পৰা অমৰনাথ তীৰ্থযাত্ৰীৰ এটা নতুন দল কাশ্মীৰ উপত্যকালৈ ৰাওনা হৈছে।
যাত্ৰাপুনৰ আৰম্ভ হোৱাৰ বাবে তীৰ্থযাত্ৰীসকল সুখী আছিল আৰু প্ৰাৰ্থনা কৰিছিল যে এই যাত্ৰা যাতে সফল হ’ব।
অমৰনাথৰ গুহা মন্দিৰৰ ওচৰত ডাৱৰ বিস্ফোৰণৰ ফলত অস্থায়ীভাৱে অমৰনাথ যাত্ৰা স্থগিত ৰখাৰ পিছত আজি ৰাতিপুৱা পুনৰ যাত্ৰা আৰম্ভ হৈছে।
উল্লেখ কৰিব পাৰি যে শুকুৰবাৰে অমৰনাথৰ গুহা মন্দিৰৰ ওচৰত ডাৱৰ বিস্ফোৰণৰ ফলত ১৬ জন লোক নিহত হৈছিল আৰু কমেও তিনি ডজন সন্ধানহীন আছিল।
আইএএফ এমআই-১৭ ভি৫ আৰু চীতল হেলিকপ্টাৰৰ দ্বাৰা অতিৰিক্ত ৩৪ জন আহত তীৰ্থযাত্ৰীক স্থানান্তৰ কৰা হৈছিল। আইএএফ হেলিকপ্টাৰে ধ্বংসাৱশেষৰ তলত আৱদ্ধ হৈ থকা সন্ধানহীন লোকসকলক বিচাৰিবলৈ NDRFৰ ২০ জন কৰ্মীক ছয়টা কেনাইনৰ সৈতে বিমানেৰে লৈ গৈছিল।