নুমলীগড় ৩৯নং ৰাষ্ট্ৰীয় ঘাইপথ এতিয়া উত্তাল প্ৰতিবাদেৰে। অখিল গগৈসহ সকলো কাৰাবন্দীৰ মুক্তিৰ দাবীত AATSA(I) উদ্যোগত বিভিন্ন দল সংগঠন,স্থানীয় ৰাইজৰ প্ৰতিবাদ । প্ৰয়োজনত কৰ’না ভাইৰাচৰ সকলো সাৱধানতা উলংঘা কৰি ৰাজপথলৈ ওলাই অহাৰ হুংকাৰ প্ৰতিবাদকাৰীৰ । নুমলীগড়ৰ 39 নং ৰাষ্ট্ৰীয় ঘাইপথৰ পুৰাবাংলাত AATSA(I) উদ্যোগত বিভিন্ন দল সংগঠন আৰু স্থানীয় ৰাইজৰ উত্তাল প্ৰতিবাদ । কৃষক নেতা অখিল গগৈৰ মুক্তিৰ দাবীত এই প্ৰতিবাদ হাতে হাতে চৰকাৰ বিৰোধী প্লে’কাৰ্ড লৈ চৰকাৰ বিৰোধী শ্ল’গান দি কঁপাই তুলিছে আকাশ বতাহ । প্ৰতিবাদত অংশগ্ৰহণ বহু মহিলাৰো । প্ৰতিবাদকাৰী সকলৰ দাবী অখিল গগৈ ,ধৈৰ্য্য কুঁৱৰ,সহ সকলো কাৰাবন্দী নেতাক যদি অতিশীৰ্ঘে বিনাচৰ্তে মুক্তি নিদিয়ে, উপযুক্ত চিকিৎসা প্ৰদান নকৰে তেন্তে ভয়াবহ আন্দোলনৰ কাৰ্যসূচী হাতত লব ,আৰু কোনো ধৰণৰ কৰ’না ভাইৰাচৰ সাৱধানতা নামনি ৰাজপথলৈ ওলাই আহিব বুলিও হুংকাৰ প্ৰদান কৰে প্ৰতিবাদকাৰী সকলে ।
