ED takes custody of Sheikh Shahjahan in land grab case : ভূমি দখল গোচৰৰ সন্দৰ্ভত জেৰা কৰে নিলম্বিত টিএমচিৰ নেতা শ্বাহজাহান শ্বেখক
![](https://mynewsne.com/wp-content/uploads/2024/03/noname-449-750x430.jpg)
নেশ্যনেল ডেস্ক,৩১মাৰ্চ : নিলম্বিত টিএমচিৰ নেতা শ্বাহজাহান শ্বেখক ED য়ে জেৰা চলাই । ভূমি দখল গোচৰৰ সন্দৰ্ভত জেৰা কৰে নিলম্বিত টিএমচিৰ নেতা শ্বাহজাহান শ্বেখক।
ED ৰ সূত্ৰই জানিবলৈ দিয়া অনুসৰি শ্বাহজাহানে পশ্চিমবংগৰ সন্দেশখালী অঞ্চলৰ কেইবাখনো মাটি বলপূৰ্বকভাৱে দখল কৰাৰ অভিযোগ উত্থাপন হৈছে ।
ইডিয়ে মিছামাছ আমদানি আৰু ৰপ্তানি ব্যৱসায়তো বহুতো অবৈধ বিত্তীয় লেনদেনৰ তথ্য লাভ কৰে বুলি জনায় । ইডিয়ে তেওঁৰ বিৰুদ্ধে দুটা এনফ’ৰ্চমেণ্ট কেছ ইনফৰ্মেশ্যন ৰিপ’ৰ্ট (ইচিআইআৰ) দাখিল কৰে । এটা ই আৰ আই চি ৰেচন (পি ডি এছ) দুৰ্নীতিৰ সন্দৰ্ভত আছিল, যাৰ উৎস বংগৰ প্ৰাক্তন খাদ্য মন্ত্ৰী জ্যোতিপ্ৰিয়ৰ্য মল্লিকে লিখা এখন পত্ৰত পোৱা গৈছিল(ED takes custody of Sheikh Shahjahan in land grab case) ।
আনটো ৰপ্তানি-আমদানি ব্যৱসায়ৰ অবৈধ লেনদেনৰ সন্দৰ্ভত দাখিল কৰা হৈছিল । এই ইচিআইআৰত বলপূৰ্বকভাৱে ভূমি অধিগ্ৰহণৰ অভিযোগ আছে ।
ইডিৰ সূত্ৰ অনুসৰি শনিবাৰে শ্বাহজাহানক ভূমি দখলৰ অভিযোগৰ সৈতে জড়িত দ্বিতীয় ইআৰচিত জেৰা কৰা হয় ।
ইয়াৰ পূৰ্বে সন্দেশখালী বলবৎকাৰী সঞ্চালকালয়ৰ (ইডি) আক্ৰমণৰ গোচৰত নিলম্বিত টিএমচি নেতা শ্বাহজাহান শ্বেখক ন্যায়িক জিম্মালৈ প্ৰেৰণ কৰা হৈছিল । ইয়াৰ পূৰ্বে কলিকতা উচ্চ ন্যায়ালয়ৰ নিৰ্দেশত কলকতা আৰক্ষীৰ অপৰাধ অনুসন্ধান বিভাগে শ্বাহজাহান শ্বেখৰ জিম্মা চিবিআইক অৰ্পণ কৰে(ED questions Sandeshkhali accused Sheikh Shahjahan in land grab case) ।
ৰাজ্যখনৰ আৰক্ষীয়ে বিষয়টো সন্দৰ্ভত নিৰ্বিকাৰ ভূমিকা গ্ৰহণ কৰিছিল বুলি আদালতে কয় । প্ৰায় দুমাহ ধৰি বন্দীত্বৰ পৰা হাত সাৰি থকাৰ অভিযোগত নিলম্বিত টিএমচিৰ নেতাজনক ২৯ ফেব্ৰুৱাৰীত পশ্চিমবংগ আৰক্ষীয়ে গ্ৰেপ্তাৰ কৰে । উত্তৰ ২৪ পৰগনা জিলাৰ সন্দেশখালীৰ মহিলাসকলে শ্বাহজাহান আৰু তেওঁৰ সহায়কসকলৰ বিৰুদ্ধে গুৰুতৰ অত্যাচাৰৰ অভিযোগ উত্থাপন কৰি আহিছে ।
একাধিক মহিলাই শ্বাহজাহান আৰু তেওঁৰ সহযোগীসকলৰ বিৰুদ্ধে ভূমি দখল আৰু যৌন নিৰ্যাতনৰ অভিযোগ উত্থাপন কৰে ।