ডিজিটেল ডেস্ক:- বিশ্বত আৰম্ভ হৈছে এক আজৱ আন্দোলন।এই আন্দোলনৰ নাম ফ্ৰী দ্য নিপলচ্। অৰ্থাৎ স্তন প্ৰদৰ্শনৰ আন্দোলন। এই আচহুৱা আন্দোলনক উদগনি যোগাইছে ফেচবুক আৰু ইনষ্টাগ্ৰামে।
হয় এতিয়াৰে পৰা উন্মুক্ত স্তনৰ ছবি পোষ্ট কৰিব পাৰিব ফেচবুক আৰু ইনষ্টাগ্ৰামত। ফেচবুক-ইনষ্টাগ্ৰামৰ ডাঙৰ সিদ্ধান্ত। এই সম্পর্কে এগৰাকী মহিলাই কয় যে, মহিলাসকলে ফেচবুক-ইনষ্টাগ্ৰামত উলংগ স্তনৰ ছবি পোষ্ট কৰিব পাৰে। ‘উন্মুক্ত স্তন’ দেখুৱাব বিচাৰে এইগৰাকী নাৰীয়ে।
এই দুটা ছ’চিয়েল মিডিয়া প্লেটফৰ্মে মহিলাৰ ছবি পোষ্ট কৰাৰ কঠোৰ নিয়ম সলনি কৰিবলৈ এটা ডাঙৰ সিদ্ধান্ত লৈছে। এতিয়ালৈকে ফেচবুক আৰু ইনষ্টাগ্ৰামত এনে ছবিৰ ওপৰত কেইবাটাও বাধা আছিল। যদি কোনো মহিলাই ‘উন্মুক্ত নিপল’ৰ ছবি পোষ্ট কৰে তেন্তে লগে লগে তেওঁৰ একাউন্ট বন্ধ হৈ পৰিলহেঁতেন। নতুন নিয়ম অনুসৰি সেই ব্যৱস্থা আঁতৰি গৈছে এই দুটা ছ’চিয়েল মিডিয়া প্লেটফৰ্মৰ পৰা।
উল্লেখযোগ্য যে এদশকৰো অধিক সময় ধৰি পশ্চিমীয়া বিশ্বৰ মহিলাৰ এটা অংশই ‘নিপল মুক্ত আন্দোলন’ চলাই আহিছে। ইয়াৰ ভিতৰত বিখ্যাত গায়িকা, অভিনেত্ৰী আৰু সমাজ কৰ্মীসকলো আছে। বিশেষজ্ঞ সকলৰ মতে ফেচবুক-ইনষ্টাগ্ৰামৰ এই সিদ্ধান্তৰ বাবেই তেওঁলোকৰ আন্দোলন সফল হৈছে।
মাইলী চাইৰাছ নামৰ মহিলা গৰাকী আছিল পশ্চিমীয়া বিশ্বৰ ‘ফ্ৰী দ্য নিপল’ আন্দোলনৰ অন্যতম মুখ নেত্রী। বিখ্যাত পপ গায়িকা মাইলীয়ে ২০১৯ চনত উন্মুক্ত নিপলৰ ছবি পোষ্ট কৰিছিল। সেই ছবিখন ছ’চিয়েল মিডিয়াত ভাইৰেল হৈ পৰিছিল। পিছত মডেল বেলা হাদিদ আৰু কেণ্ডেল জেনাৰে একেধৰণৰ ফটো পোষ্ট কৰে। মূলতঃ তেওঁলোকৰ এই পদক্ষেপৰ বাবেই ক্ৰমান্বয়ে পৃথিৱীৰ বিভিন্ন দেশত ‘মুকলি নিপল’ আন্দোলন বিয়পিবলৈ ধৰিলে। কিম কাৰ্দাছিয়ান, ৰিহানা, কাৰা ডেলিভিং, লৰ্ডেছ আৰু জো ক্ৰাভিটজৰ দৰে চেলিব্ৰিটিয়ে এই আন্দোলনত যোগদান কৰে।
ফেচবুক-ইনষ্টাগ্ৰামৰ এই সিদ্ধান্তক আদৰণি জনাইছে লিবাৰেলসকলে। আনহাতে ইয়াক কঠোৰ সমালোচনা কৰিছে কঠোৰপন্থীসকলে।
আন্তঃৰাষ্ট্ৰীয় সম্পৰ্ক বিশেষজ্ঞসকলে দাবী কৰিছে যে দুটা জনপ্ৰিয় ছ’চিয়েল মিডিয়া প্লেটফৰ্মৰ এই কাৰ্যত মধ্যপ্ৰাচ্যৰ বহু দেশ বিচলিত হ’ব পাৰে।
এই দেশসমূহত ফেচবুক-ইনষ্টাগ্ৰাম নিষিদ্ধ হ’ব পাৰে। উল্লেখ্য যে যোৱা বছৰ কাটাৰত ফিফা ফুটবল বিশ্বকাপ অনুষ্ঠিত হৈছিল। মধ্য এছিয়াৰ এইখন দেশত সমকামিতা সম্পূৰ্ণ নিষিদ্ধ। ৰামধেনুৰ ৰং এলজিবিটিকিউ আন্দোলনৰ প্ৰতীক হিচাপে বিবেচিত হৈছে। ফুটবল খেলখনৰ খবৰ সংগ্ৰহ কৰিবলৈ সেই ৰঙৰ টি-চাৰ্ট পিন্ধি ষ্টেডিয়ামত প্ৰৱেশ কৰে এগৰাকী সাংবাদিক। অভিযোগ উত্থাপন হৈছিল যে তেওঁক লগে লগে কাটাৰ আৰক্ষীয়ে তাৰ পৰা বহিষ্কাৰ কৰে। পিছত কাটাৰৰ ষ্টেডিয়ামত ৰহস্যজনকভাৱে মৃত্যু হয় সাংবাদিকগৰাকীৰ।