নিউজ ডেস্ক, ১২ আগষ্ট : বৃহস্পতিবাৰে নিশা অসমৰ গোলাঘাট জিলাৰ বোকাখাতৰ ওচৰৰ বৰচাপৰীত (Borsapori) সংঘটিত হয় এক ভয়ংকৰ অগ্নিকাণ্ড।
বাতৰি অনুসৰি, বৰচাপৰী চাহ বাগিচাৰ ৩ নম্বৰত লাইনত সংঘটিত হোৱা ভয়ংকৰ অগ্নিকাণ্ডত এটা ঘৰ সম্পূৰ্ণৰূপে জুইয়ে দাহ কৰি পেলাইছিল। অগ্নিকাণ্ডৰ ফলত লাখ লাখ মূল্যৰ সম্পত্তিৰ ক্ষতি হৈছে বুলি জানিব পৰা গৈছে।
Related Posts
কেইবাখনো অগ্নিনিৰ্বাপক গাড়ী ঘটনাস্থলীলৈ ততাতৈয়াকৈ গৈছিল আৰু বহু প্ৰচেষ্টাৰ অন্তত তেওঁলোকে জুই নিয়ন্ত্ৰণলৈ আনিবলৈ সক্ষম হৈছিল।
আনহাতে, অগ্নিকাণ্ডৰ কাৰণ বৰ্তমানেও জানিব পৰা হোৱা নাই। তদুপৰি, এতিয়ালৈকে কোনোলোকৰ প্ৰাণহানি বা আঘাতৰ খবৰ পোৱা হোৱা নাই।