চিৰবিদায় সিদ্ধাৰ্থ শুক্লা ! কুপাৰ হস্পিটেলৰ পৰা অন্তিম যাত্ৰা

বিগ বছ ১৩ ৰ বিজয়ী আৰু টিভি অভিনেতা সিদ্ধাৰ্থ শুক্লাৰ অন্তিম সংস্কাৰ আজি মুম্বাইত অনুষ্ঠিত হ’ব। সিদ্ধাৰ্থই বৃহস্পতিবাৰে হৃদৰোগত আক্ৰান্ত হৈছিল। অভিনেতাজনৰ মৃত্যুৰ কাৰণ জানিবলৈ মুম্বাইৰ কুপাৰ চিকিৎসালয়ত এটা মৰণোত্তৰ পৰীক্ষা কৰা হৈছে।

আজি সিদ্ধাৰ্থৰ মৰণোত্তৰ পৰীক্ষাৰ প্ৰতিবেদনও কুপাৰ চিকিৎসালয়ত মুকলি কৰা হ’ব। সিদ্ধাৰ্থৰ মৰণোত্তৰ পৰীক্ষা আৰক্ষী আৰু কেমেৰাৰ তত্বাৱধানত ৫ জনীয়া চিকিৎসকৰ এটা দলে সম্পন্ন কৰিছে। সিদ্ধাৰ্থ শুক্লাৰ আকস্মিক প্ৰস্থানৰ পিছত মনোৰঞ্জন উদ্যোগটো শোকৰ অৱস্থাত আছে। আজি তেওঁৰ ওচৰৰ তাৰকাসকলে তেওঁৰ অন্তিম ভ্ৰমণত উপস্থিত থাকিব ।