ছোচিয়েল মিডিয়াত হোৱা ব্যাপক প্ৰতিক্ৰিয়াৰ পিছত গা লৰিল চৰকাৰৰ। গণেশগুৰিৰ উৰণীয়া সেতুৰ নতুনকৈ সংযোজিত অংশৰ দেৱালৰ পৰা আঁতৰাই দিয়া হ’ল পবিত্ৰ গুৰু আসনৰ ছবি । কালি মুখ্যমন্ত্ৰীয়ে মুকলি কৰা গণেশগুৰিৰ উৰণীয়া সেতুৰ সংযোজিত অংশৰ দেৱালত বিভিন্ন চিত্ৰ কলাৰ মাজতে দেখা গৈছিল পবিত্ৰ গুৰু আসনৰ এখন ছবি। মুখ্যমন্ত্ৰীৰ সভাৰ পিচতেই বিভিন্ন সংবাদ মাধ্যম আৰু ছোচিয়েল মিডিয়াতো এই ছবি ব্যাপক ৰূপত ভাইৰেল হৈছিল। গুৰু আসনৰ স্থান পবিত্ৰ নামঘৰতহে । তেনে স্থলত পবিত্ৰ গুৰু আসনৰ ছবি ৰাজহুৱা স্থানৰ দেৱালত অংকণ কৰা বিষয়টোক বিভিন্ন জনে তীব্ৰ গৰিহণা দিছিল। ৰাইজৰ মাজত হোৱা এই ব্যাপক প্ৰতিক্ৰিয়াৰ পিছতে আজি দেৱালৰ পৰা মচি পেলোৱা হয় গুৰু আসনৰ ছবিখন।