26 officials suspended, around 1,700 voters boycott polling in East Tripura : ত্ৰিপুৰাত ১৭০০ ভোটাৰৰ ভোট বৰ্জন;নিৰ্বাচনী বিধি উলংঘা কৰি নিলম্বিত ২৬ জন নিৰ্বাচনী বিষয়া
নেশ্যনেল ডেস্ক,২৭ এপ্ৰিল : দেশত চলি আছে লোকসভা নিৰ্বাচন । শুকুৰবাৰে দেশত আৰম্ভ হৈছিল দ্বিতীয় পৰ্যায়ৰ নিৰ্বাচন । শুকুৰবাৰে পূব ত্ৰিপুৰা সংসদীয় সমষ্টিতো ভোটগ্ৰহণ অনুষ্ঠিত হয় ৷ পূব ত্ৰিপুৰাত ভোটদানৰ হাৰ আছিল ৭৯.৬৬ শতাংশ । সমগ্ৰ পূৱ ত্ৰিপুৰা সংসদীয় সমষ্টিৰ ১৬৬৪ টা ভোটকেন্দ্ৰত নিশা ৮ বজালৈ অনুষ্ঠিত হয় নিৰ্বাচন।
মুখ্য নিৰ্বাচনী বিষয়া পুনীত আগৰৱালে জনোৱা অনুসৰি , শনিবাৰে ই ভি এম সমূহৰ নিৰীক্ষণ কৰা হ’ব যিয়ে নিৰ্বাচন কৰ্তৃপক্ষক চূড়ান্ত ভোটদানৰ হাৰ নিৰ্ণয় কৰাত সহায় কৰিব যিটো বৃদ্ধি হোৱাৰ সম্ভাৱনা আছে ।
নিৰ্বাচন বৰ্জনৰ আহ্বান সন্দৰ্ভত সোধাত আগৰৱালাই কয়, “দুটা ভোটকেন্দ্ৰত মানুহে নিজৰ অভিযোগ উত্থাপন কৰি নিৰ্বাচন বৰ্জন কৰিছিল । পথৰ জৰাজীৰ্ণ অৱস্থা আৰু নিজৰ অঞ্চলৰ উন্নয়নৰ সমস্যাৰ বাবে তেওঁলোক চিন্তিত ৷ যাৰ বাবে তেওঁলোকে নিৰ্বাচন বৰ্জন কৰিছিল ।”
লগতে, পূব ত্ৰিপুৰাত শান্তিপূৰ্ণভাৱে ভোটগ্ৰহণ হোৱা বুলি উল্লেখ কৰি ভোটগ্ৰহণ কেন্দ্ৰত ভোট দিবলৈ অহা ভোটাৰসকললৈ কৃতজ্ঞতা জনায় আগৰৱালাই ।
ত্ৰিপুৰাৰ মুখ্য নিৰ্বাচনী বিষয়াই কয়,”পূব ত্ৰিপুৰাত শুকুৰবাৰে দ্বিতীয় পৰ্যায়ৰ ভোটগ্ৰহণ শান্তিপূৰ্ণভাৱে হৈছিল ৷ নিশা ৮ বজালৈকে চূড়ান্ত ভোটদানৰ হাৰ ৮০.৩২ শতাংশ আছিল পূৱ ত্ৰিপুৰা সংসদীয় সমষ্টিত ৷ মই ভোটগ্ৰহণ কেন্দ্ৰত ভোটদান কৰিবলৈ অহা সকলো ভোটাৰক ধন্যবাদ জনাইছো ৷” সমগ্ৰ পূব ত্ৰিপুৰা সংসদীয় সমষ্টিৰ ১৬৬৪ টা ভোটকেন্দ্ৰত ভোটগ্ৰহণ অনুষ্ঠিত হয় ।”
নিৰ্দিষ্ট ভোটকেন্দ্ৰসমূহত ভোটদান নকৰা মুঠ ভোটাৰৰ সংখ্যাৰ বিষয়ে উল্লেখ কৰি তেওঁ কয়, “৪১/৩ নাটংলাল পাৰা জে বি স্কুল আৰু ৪৪/৫ সন্দৈমোহন পাৰা জে বি স্কুল হিচাপে পঞ্জীয়নভুক্ত দুটা ভোটকেন্দ্ৰ আছে । সেই ভোটকেন্দ্ৰসমূহৰ বাবে মুঠ যোগ্য ভোটাৰৰ সংখ্যা ক্ৰমে ৬৪৯ আৰু ১০৫৯ জন বুলি তথ্য লাভ কৰা হৈছিল । ৪১/৩ টা ভোটকেন্দ্ৰত দুটা ভোটৰ ভোটগ্ৰহণ হোৱাৰ বিপৰীতে আনটোত মাত্ৰ ১২ জন লোকেহে ভোটাধিকাৰ সাব্যস্ত কৰে ৷
অভিযোগ নিৰাময়ৰ সন্দৰ্ভত জ্যেষ্ঠ নিৰ্বাচন বিষয়াগৰাকীয়ে কয় যে, “মুঠ ৯২ টা অভিযোগ লাভ কৰা হৈছে আৰু সকলোবোৰ নিষ্পত্তি কৰা হৈছে । এই প্ৰক্ৰিয়াত ২৬ জন নিৰ্বাচনী বিষয়াক আচৰণৰ নিয়ম উলংঘা কৰাৰ বাবে নিলম্বন কৰা হৈছে ।”
ইয়াৰ পূৰ্বে পুৱা পূব ত্ৰিপুৰা সংসদীয় সমষ্টিৰ ৰিটাৰ্নিং অফিচাৰ ৱাহিদে কয়, “ভোটাৰসকলে যাতে নিজৰ ভোটাধিকাৰ সাব্যস্ত কৰিব পাৰে তাৰ বাবে সকলো সম্ভৱপৰ প্ৰচেষ্টা হাতত লোৱা হৈছে । ইয়াৰ উপৰিও কিছুমান বিশেষ অঞ্চলত যিবোৰ অঞ্চলত নিৰৱচ্ছিন্ন সংযোগৰ বাবে বেতাঁৰ যোগাযোগ চেনেল ব্যৱহাৰ কৰা হৈছে ।”