আকৌ ভুলুণ্ঠিত মানৱতা! পুনৰ উদ্ধাৰ পৰিত্যক্ত অৱস্থাত নৱজাতক

ৰাজ্যত পুনৰ ভুলুণ্ঠিত হ’ল মানৱতা। ৰাজ্যত পুনৰ উদ্ধাৰ পৰিত্যক্ত অৱস্থাত উদ্ধাৰ নৱজাতক। এইবাৰ বোকাজানৰ ইকৰানিত নৱজাত কন্যা শিশু উদ্ধাৰ। ইকৰানিত হাবিৰ মাজত উদ্ধাৰ কন্যা শিশুটি।

এগৰাকী মহিলাই গৰু বান্ধিবলৈ যোৱা সময়ত প্ৰত্যক্ষ কৰে শিশুটি। হাবিৰ মাজত কান্দোন শুনি মহিলাগৰাকীয়ে উদ্ধাৰ কৰে শিশুটিক। পৰিত্যক্ত অৱস্থাত থকা শিশুটিৰ সৰ্বশৰীৰ গুৰি পৰুৱাই আৱৰি আছিল। কোনো পাশান হৃদয়ৰ মাতৃয়ে এনেদৰে পেলাই থৈ যায় নিষ্পাপ শিশুটিক। স্থানীয় কেইবাগৰাকী মহিলাই শিশুটিক উদ্ধাৰ কৰি দুগ্ধ পান কৰায়। ইতিমধ্যে ঘটনাস্থলীত আৰক্ষী উপস্থিত হৈ উদ্ধাৰ কৰে শিশুটিক।

উল্লেখ্য যে সোমবাৰেও চামগুৰিত উদ্ধাৰ হৈছিল এটি নৱজাতক।