শেহতীয়া ঘটনাক্ৰমত বৃদ্ধ দম্পতী ননি গোপাল বৰুৱা আৰু মিনা বৰুৱাৰ সন্দেহযুক্ত হত্যাকাৰী আকাশ চৌধুৰীৰ পত্নী পুতু দাসক বৃহস্পতিবাৰে পুৱা দিচপুৰ আৰক্ষীয়ে পুনৰ আটক কৰিছে।
পুতু দাসক আৰক্ষীয়ে জেৰা কৰিছে আৰু আজি গ্ৰেপ্তাৰ হোৱাৰ সম্ভাৱনা আছে।ইফালে, আৰক্ষীয়ে বৃদ্ধ দম্পতীহালৰ তত্ত্বাৱধায়ক আকাশ চৌধুৰীক গ্ৰেপ্তাৰ কৰে আৰু তেওঁক জেৰা কৰা হৈছে।
বুধবাৰে অসমৰ মুখ্যমন্ত্ৰী ড০ হিমন্ত বিশ্ব শৰ্মাইও বৃদ্ধ দম্পতীহালৰ বাসগৃহ পৰিদৰ্শন কৰে। তেওঁ আশ্বাস দিছিল যে দোষীসকলক কঠোৰ শাস্তি দিয়া হ’ব আৰু গোচৰটো সোনকালেই সমাধান কৰা হ’ব।
মুখ্যমন্ত্ৰীয়ে মৃত দম্পতীহালৰ পৰিয়ালৰ সদস্যসকলৰ সৈতেও বাৰ্তালাপ কৰে আৰু কয় যে বেছিভাগ প্ৰমাণ সংগ্ৰহ কৰা হৈছে আৰু শীঘ্ৰেই তদন্ত সম্পূৰ্ণ কৰা হ’ব। তেওঁ কৈছিল যে আইন-শৃংখলা প্ৰৱৰ্তনকাৰী সংস্থাসমূহে ফৰেনচিক প্ৰমাণৰ বাবে অপেক্ষা কৰি আছে আৰু ইয়াৰ ওপৰত ভিত্তি কৰি জেৰা আৰু অন্যান্য প্ৰক্ৰিয়া অনুসৰণ কৰা হ’ব।
দম্পতীহালৰ অন্তিম সংস্কাৰ আজি সম্পন্ন কৰা হ’ব, পৰিয়ালৰ সদস্যসকলে কয়। তেওঁলোকৰ মৃতদেহ ডাউন টাউন চিকিৎসালয়ৰ মৰ্গত ৰখা হৈছে। ননি গোপাল বৰুৱা আৰু মিনা বৰুৱাৰ ডাঙৰ জীয়েক যি থাকে লণ্ডনত আজি আহি পাব।