নিউজ ডেস্ক,৭আগষ্ট : আজি পেৰিছ অলিম্পিকত ভাৰতৰ স্বৰ্ণ জয়ৰ যুঁজ। স্বৰ্ণজয়ৰ লক্ষ্যৰে আজি ৰিঙত নামিব ভিনেশ ফোগাট। বিয়লি ২:৩০ মিনিটত আমেৰিকাৰ হিল্ডেব্ৰাণ্ডৰ বিৰুদ্ধে যুঁজত নামিব ভিনেশ।। মহিলাৰ ৫০ কিলোগ্ৰাম ফ্ৰী ষ্টাইল শাখাৰ ফাইনেলত আমেৰিকাৰ প্ৰতিদ্বন্দ্বীৰ বিৰুদ্ধে খেলিব ভিনেশ ফ’গাটে(Vinesh Phogat in Paris Olympics 2024)।
ছেমি ফাইনেলত ভিনেশ ফ’গাটে পৰাস্ত কৰে কিউবাৰ প্ৰতিদ্বন্দ্বীক। কিউবাৰ ইউছনেলিছ গুজমানক ৫-০ স্ক’ৰত পৰাস্ত কৰে ভিনেশে। ফাইনেলত প্ৰৱেশৰে অলিম্পিকত ৰূপৰ পদক নিশ্চিত কৰিছে ফ’গাটে। অলিম্পিকৰ ফাইনেলত প্ৰৱেশ কৰা ভাৰতৰ প্ৰথম মহিলা মল্লযুঁজাৰু হিচাপে পৰিগণিত হৈছে ভিনেশ ফ’গাট(Vinesh Phogat to wrestle for historic Gold)।
ৰিঅ’ আৰু টকিঅ’ অলিম্পিকত কোৱাৰ্টাৰ ফাইনেলতে ক্ষান্ত থাকিবলগীয়া হৈছিল তেওঁ। কিন্তু পেৰিছ অলিম্পিকত অভিলেখ ৰচি ফাইনেলত প্ৰৱেশ কৰিছে ভিনেশে।
লগতে পঢ়ক :Dead body recovered : পুখুৰীত উৱঁলি যোৱা অৱস্থাত উদ্ধাৰ মৃতদেহ