US affirms to host 2026 G20 Summit : ২০২৬ চনত জি-২০ সন্মিলন সভাপতিত্ব কৰিব আমেৰিকাই
![US affirms to host 2026 G20 Summit](https://mynewsne.com/wp-content/uploads/2023/09/noname-57-750x430.jpg)
নেশ্যনেল ডেস্ক, ১০ছেপ্টেম্বৰ : ২০২৬ চনৰ জি-২০ সন্মিলন আয়োজন কৰিব আমেৰিকাই । বিশ্ব অৰ্থনৈতিক সংকটৰ সৃষ্টি কৰা সংঘাতপূৰ্ণ ভূ-ৰাজনৈতিক বিশ্বত উন্নয়নশীল বিশ্বৰ বাবে সমীকৰণসমূহৰ ভাৰসাম্য ৰক্ষাৰ বাবে নিজকে এক প্ৰভাৱশালী অংশীদাৰ হিচাপে দেখাৰ বাবে আমেৰিকাই ২০২৬ চনত জি-২০ শীৰ্ষ সন্মিলন আয়োজন কৰিব বুলি প্ৰকাশ কৰিছে(US affirms to host 2026 G20 Summit)।
শনিবাৰে হোৱাইট হাউছে প্ৰকাশ কৰে যে, দিল্লীত অনুষ্ঠিত হোৱা জি-২০ সন্মিলন অতি জৰুৰী সমস্যাৰ সমাধানৰ ক্ষেত্ৰত এক বৃহৎ পদক্ষেপ(G20 Summit) ।
২০২৬ চনত আমেৰিকা যুক্তৰাষ্ট্ৰই জি-২০ বৈঠকৰ সভাপতিত্ব কৰিব । ভাৰতত অনুষ্ঠিত জি-২০ বৈঠকৰ সময়তে আমেৰিকাই এই কথা পুনৰ স্পষ্ট কৰি দিয়ে ।
দিল্লীত এই কথা ঘোষণাৰ লগে লগে হোৱাইট হাউছে বিবৃতিত কয়, “যি মুহূৰ্তত বিশ্ব অৰ্থনীতি জলবায়ু সংকট, দৰিদ্ৰতা আৰু সংঘাতৰ সন্মুখীন হৈছে তেনে সময়তে নতুন দিল্লীৰ বৈঠকে প্ৰমাণ কৰিলে যে জি-২০য়ে আমাৰ আটাইতকৈ গুৰুত্বপূৰ্ণ বিষয়বোৰৰ সমাধান আনিব পাৰে ।
আমেৰিকাই কয় তেওঁলোকে জি-২০ ৰ প্ৰতি প্ৰতিশ্ৰুতিবদ্ধ আৰু ভাৰতৰ জি-২০ সভাপতিত্বত হোৱা অগ্ৰগতিকলৈ আশাবাদী । ২০২৪ চনত ব্ৰাজিলে জি-২০ বৈঠকৰ সভাপতিত্ব কৰিব আৰু ২০২৫ চনত দক্ষিণ আফ্ৰিকাই । আমেৰিকা যুক্তৰাষ্ট্ৰই সমতা আৰু ন্যায়ৰ ওপৰত নিৰ্ভৰ কৰি এক গোলকীয় ভূ-ৰাজনৈতিক আৰু অৰ্থনৈতিক ব্যৱস্থাৰ বাবে জি-২০ পদক্ষেপৰ প্ৰতি তেওঁলোকৰ দৃঢ় প্ৰতিশ্ৰুতি প্ৰদৰ্শন কৰিবলৈ ২০২৬ চনত জি-২০ বৈঠকৰ আয়োজন কৰিব ।
ইফালে আমেৰিকা যুক্তৰাষ্ট্ৰই জি-২০ৰ স্থায়ী সদস্য হিচাপে আফ্ৰিকান ইউনিয়নক সমৰ্থন আৰু স্বাগতম জনাই আহিছে ।
হোৱাইট হাউচে এক বিবৃতিত উল্লেখ কৰা অনুসৰি, জি-২০ত বাইডেনে সমগ্ৰ বিশ্বই সন্মুখীন হোৱা তীব্ৰ খাদ্য সংকট হ্ৰাস কৰাৰ লগতে ভৱিষ্যতৰ সংকটৰ বিৰুদ্ধে জি-২০ দেশসমূহৰ সৈতে একেলগে কাম কৰাৰ ওপৰত গুৰুত্ব দিয়াত জোৰ দিছে । আনহাতে বাইডেনে নেতাসকলক অবহনযোগ্য ঋণক পৰিৱৰ্তনশীল বিনিয়োগলৈ ৰূপান্তৰ কৰাৰ উদ্দেশ্যে নতুন সমাধান উলিয়াবলৈ মুক্ত চিন্তা কৰিবলৈ আহ্বান জনাই । দিল্লীত বাইডেন আৰু জি-২০ নেতাসকলে ২০৩০ চনৰ ভিতৰত বিশ্বব্যাপী নৱীকৰণযোগ্য শক্তিৰ ক্ষমতা তিনিগুণ কৰাৰ প্ৰচেষ্টা চলাবলৈ প্ৰতিশ্ৰুতিবদ্ধ হৈছে ।
দিল্লীত অনুষ্ঠিত জি-২০ শীৰ্ষ সন্মিলনত ৰাষ্ট্ৰপতি বাইডেনে কাৰ্যভাৰ গ্ৰহণ কৰাৰ সময়ত গ্ৰহণ কৰা প্ৰতিশ্ৰুতিসমূহ পালন কৰি আহিছে যাতে বিশ্বত আমেৰিকাৰ নেতৃত্বৰ ভূমিকা পুনৰুদ্ধাৰ কৰিব পাৰি।
দিল্লীত বাইডেন আৰু জি-২০ৰ অন্যান্য নেতাসকলে বহনক্ষম উন্নয়নৰ লক্ষ্য (এছডিজি) ত্বৰান্বিত কৰাৰ বাবে জি-২০ ২০২৩ কাৰ্য্য পৰিকল্পনা ৰূপায়ণৰ প্ৰতিশ্ৰুতি দিয়ে।
লগতে পঢ়ক : G20 Summit : দিল্লীৰ পৰা ৰাওনা জ’ বাইডেন, ঋষি সুনক