Tragic Road Accident in Lakhimpur : ট্ৰাক আৰু বাইকৰ মাজত মুখামুখি সংঘৰ্ষ; নিহত দুই যুৱক
![](https://mynewsne.com/wp-content/uploads/2024/02/noname-166-750x430.jpg)
নিউজ ডেস্ক, ১৮ ফেব্ৰুৱাৰী : ভয়ংকৰ পথ দুৰ্ঘটনা । ট্ৰাক আৰু বাইকৰ মাজত মুখামুখি সংঘৰ্ষ ফলত থিতাতে নিহত দুজন যুৱক(Tragic Road Accident in Lakhimpur ) ।
লখিমপুৰৰ চৰাইমৰীয়া বাইপাছত শনিবাৰৰ নিশা সংঘটিত হৈছে এক ভয়ংকৰ পথ দুৰ্ঘটনা ।
জানিব পৰা মতে, চৰাইমৰীয়াত দোকান সামৰি দুই যুৱকে নিশা প্ৰায় দহ মান বজাত AS০৭L ৮৮১০ নম্বৰৰ গ্লেমাৰ বাইকেৰে ঘৰলৈ গৈ আছিল ৷ তেনে সময়তে চৰাইমৰীয়া বাইপাছত দুৰ্ঘটনাত পতিত হৈ মৃত্যু মুখত পৰে দুয়ো যুৱক । এই ঘটনাৰ পাচতে উক্ত স্থানত আৰক্ষী উপস্থিত হৈ মৃতদেহ দুটা উদ্ধাৰ কৰি মৰণোত্তৰ পৰীক্ষাৰ বাবে লখিমপুৰ মেডিকেল কলেজ লৈ প্ৰেৰণ কৰে । নিহত যুৱক দুজন চিয়াজুলি মাজগাঁৱৰ বিষ্ণু শইকীয়া (২৮) আৰু আনজন কদম টেঙাবস্তিৰ মৃদুল গোপাল (২১) বুলি চিনাক্ত কৰা হৈছে।
উল্লেখ্য যে, লখিমপুৰৰ বাইপাছটো কিলাৰ পথ হিচাপে পৰিগণিত হৈছে । সঘনে দুৰ্ঘটনা সংঘটিত হৈ আহিছে এই বাইপাচটোত । এনে দুৰ্ঘটনাসমূহত ইতিমধ্যে বহুজনে প্ৰাণ হেৰুৱাব লগীয়া হৈছে(Tragic Road Accident in Lakhimpu) ।
অঞ্চলটোৰ ৰাইজে অভিযোগ কৰা অনুসৰি, বাইপাছটোত একাংশ চালকৰ মইমতালিৰ বাবে এনে দুৰ্ঘটনাসমূহ ঘটিব ধৰিছে । আনকি বাইপাছটোত একাংশ যান বাহনৰ তীব্ৰ গতিৰ বাবে দুৰ্ঘটনা সংঘটিত হৈ আহি বুলি অভিযোগ উত্থাপন হৈছে একাংশ ট্ৰাক চালকৰ মইমতালিও ইয়াৰ বাবে দায়ী ।