নিউজ ডেস্ক, ১৪ জুন : কেনে যাব আপোনাৰ আজিৰ দিনটো ? চাওক দিনটোৰ ৰাশিফল
মেষ ৰাশি- Mesh Rashi Prediction
আজিৰ দিনটো আপোনাৰ বাবে সৌভাগ্যশালী । পৰিয়ালত শুভ অনুষ্ঠান হ’ব পাৰে । ব্যৱসায় হওক বা আনন্দৰ কাৰণে হওক, নতুন কাম আৰম্ভ কৰাৰ বাবে শুভ সময় । আপুনি এতিয়া যি কোনো কাম কৰাৰ বাবে অত্যন্ত উদ্যমী হৈ আছে । ক’ব গ’লে আপুনি ইমানেই উদ্যমী হৈ থাকিব যে কোনো পৰিকল্পনাৰ কথা ভালকৈ নুশুনাকৈয়ে সেয়া হাতত লৈ কাম আৰম্ভ কৰি দিব । কিন্তু এইটো নকৰিব! যি কোনো বস্তু অত্যধিক হোৱাটো ভাল নহয়! নিজৰ স্বাস্থ্য আৰু আৰ্থিক অৱস্থাৰ প্ৰতি চকু দিয়ক ।
বৃষ ৰাশি- Brish Rashi Prediction
কিবা এটা কথা আপোনাক এতিয়াও আমনি দি আছে, আপুনি হয়তো কোনো গুৰুত্বপূৰ্ণ বিষয়ত এতিয়াও কোনো সিদ্ধান্ত ল’ব পৰা নাই । কাৰণ যিয়ে নহওক কিয়, এয়া আপোনাৰ আৰু আপোনাৰ প্ৰিয়জনৰ মনত দুখ দি থাকিব । আৰু পৰিয়ালৰ মাজত সংঘাতৰ কথা তো ক’বই নালাগে । এয়া আপোনাৰ মনত আঘাত দিব, কাৰণ আপুনি পৰিয়ালৰ লোকৰপৰা অধিক সৌহাৰ্দ্য আৰু সহযোগিতা পাব বুলি আশা কৰিছিলে । কথাবোৰ অলপ ভালকৈ চিন্তা কৰি চাওঁক, কিয় এনেকুৱা হৈ আছে । তেওঁলোকে কিয় আপোনাক বেয়া পাই আছে? তেওঁলোকে কি আপোনাৰ প্ৰেম সম্পৰ্ক মানি লোৱা নাই ? এই সম্পৰ্ক আপোনাৰ কাৰণে কি ভাল হ’ব? আপুনি প্ৰচণ্ড দুশ্চিন্তাত থাকিব এইবোৰ কথাক লৈ, এয়া আপোনাৰ কামতো বাধা সৃষ্টি কৰিব পাৰে ।
মিথুন ৰাশি – Mithun Rashi Prediction
ব্যৱসায় আৰু ব্যৱসায় সম্বন্ধীয় সকলো ধৰণৰ কামৰ বাবে আজিৰ দিনটো বৰ ভাল । আজি আপুনি য’তেই হাত দিব, তাতেই সোণ ফলিব । ইয়াৰ সুফল ভোগ কৰি যাওঁক । ব্যৱসায়-বাণিজ্যত ৰাজহ বৃদ্ধি হ’ব, বিনিয়োগ আদিৰপৰা অত্যধিক লভ্যাংশ পাব । বন্ধুসকলৰ দ্বাৰা উপকৃত হ’ব । তেওঁলোকৰ সৈতে যোগাযোগ ৰক্ষা কৰি চলক! যিসকল বৃত্তিধাৰীয়ে নতুন আৰু আকৰ্ষণীয় কাম বিচাৰি আছে, তেওঁলোকে ক’ব গ’লে গুপ্তধনৰ সন্ধান পাই যাব। চাকৰিয়ালসকলে কৰ্মক্ষেত্ৰত নিজৰ কামৰ বাবে প্ৰশংসিত হ’ব, তেওঁলোকৰ পদোন্নতি হ’ব পাৰে, কৰ্মক্ষেত্ৰত উন্নতি হ’ব পাৰে । বিবাহপ্ৰাৰ্থীসকলৰ বাবে দিনটো শুভ আৰু বিবাহবিচ্ছিন্নসকলে যদি দ্বিতীয় বিবাহৰ কথা ভাবি আছে, তেওঁলোকৰ কাৰণেও দিনটো শুভ। কোনো পাৰ্টিত যোৱাৰ আমন্ত্ৰণ পালে নোযোৱাকৈ নাথাকিব ।
কৰ্কট ৰাশি – Karkat Rashi Prediction
আপোনাৰ গ্ৰহ আজি অনুকূল অৱস্থানত বিৰাজ কৰি আছে, গতিকে আপোনাৰ সময়টো ভালে । কৰ্কট ৰাশিৰ জাতক-জাতিকাসকলে সৌভাগ্যবান! কালিৰপৰা আপোনালোকে যি সৌভাগ্য উপভোগ কৰি আছে, সেয়া আজিও অব্যাহত থাকিব । হাঁহিমুখেৰে বিৰল উপহাৰ গ্ৰহণ কৰক । কৰ্মক্ষেত্ৰত আৰু ঘৰত সময়টো অতি উজ্জ্বল । আপুনি পৰিয়ালৰ লোকৰ সৈতে যে বন্ধুত্বপূৰ্ণ সম্পৰ্ক বৰ্তাই চলে, সেয়া এক উন্নত ধাৰণা আপোনাৰ বাবে । এই চিন্তাধাৰা আপোনাৰ মাজত বিনা বাধাৰে আহি থাকক, বিচাৰে নেকি ? ইয়াক উপভোগ কৰক! মাতৃ আৰু তেওঁৰ জ্ঞান-অভিজ্ঞতাৰ দ্বাৰা উপকৃত হ’ব । এই সকলোবোৰ আপোনাৰ ব্যক্তিগত পৰিসৰক নান্দনিকভাৱে উন্নত কৰি তুলিব ।
সিংহ ৰাশি– Singha Rashi Prediction
আজিৰ দিনটো আপোনাৰ বাবে মধ্যমীয়া। ক’ব গ’লে একো আকৰ্ষণীয় ঘটনা নঘটে! গৱেষণাগাৰত কাম কৰি প্ৰতাশিত ফল পোৱাৰ বাবে আপুনি স্বাভাৱিকৰ তুলনাত অধিক কাম কৰিবলগীয়া হ’ব পাৰে, বা আপোনাক মনত যদি কোনো ৰূপৰেখা আছে, সেয়া বাস্তৱায়িত কৰাৰ কাৰণে আপোনাৰ স্বাভাৱিকৰ তুলনাত অধিক সময় লাগিব। ধৈৰ্য ধৰি থাকক । এইবোৰ গ্ৰহৰ কাৰণে হৈ আছে । এইবোৰ আপোনাক এলেহুৱা আৰু গোমা কৰি ৰাখিব । আপুনি অত্যধিক চিন্তাত পৰি থাকিব, শৰীৰ ভালে নাযাব বা ভাগৰুৱা লাগি থাকিব আপোনাৰ । কোনোবাৰ কথাত আপোনাৰ খং উঠিলেও সেয়া প্ৰকাশ নকৰিব। তৰ্ক-বিতৰ্ক কৰা মানুহৰপৰা দূৰত থাকক। আজি তৰ্কালোচনা যিমানেই আকৰ্ষণীয় আৰু উত্তেজক নালাগক কিয়, এইবোৰত লিপ্ত হোৱাটো ভাল নহ’ব ।
কন্যা ৰাশি – Kanya Rashi Prediction
কি কথাত আপুনি ইমান ব্যতিব্যস্ত হৈ আছে ? আপোনাৰ মনত হয়তো অপেক্ষাকৃত কোনো বিদ্ৰোহাত্মক চিন্তা সক্ৰিয় হৈ আছে। আপোনাৰ বন্ধুসকলে আপোনাক খুব সম্ভৱ কোনো অলীক স্বপ্ন দেখুৱাইছে, আৰু সেয়া আপোনাৰো সম্ভৱ ভাল লাগি গৈছে আৰু এতিয়া আপুনি সেই স্বপ্নক বাস্তৱায়িত কৰাৰ চেষ্টা কৰিবলৈ বিচাৰি আছে । ধৈৰ্য ধৰি চাওঁকচোন কি হয়! কোনো বিষয় দেখাত যিমান সহজ যেন লাগে, আচলতে ইমান সহজ নহয়, সেইবোৰৰ পৰিণামো সুখকৰ যেন লাগিলেও তেনেকুৱা নহয় মুঠেও । গতিকে যিয়ে কৰিব ভাবি চিন্তি কৰিব। আপোনাৰ স্বৰূপ আৰু মূল্যবোধৰ বিৰুদ্ধত যোৱা কোনো কাম কৰিবলৈ নাযাব । এইবোৰ কৰিবলৈ গ’লে আপুনি বিপদতহে পৰিব । ব্যয়বৃদ্ধি হ’ব পাৰে, আৰু পৰিস্থিতিও হতাশাজনক হ’ব পাৰে । বৰ বেছি উত্তেজিত হৈ নুঠিব, নিজৰ স্বাস্থ্যৰ প্ৰতি লক্ষ্য ৰাখক ।
তুলা ৰাশি– Tula Rashi Prediction
দিনটো শুভ । অবিবাহিতসকলৰ বাবেও গ্ৰহ উজ্জ্বল হৈ আছে । প্ৰেমত শুভ । আপোনাৰ আটাইতকৈ সুন্দৰ পোছাকযোৰ পিন্ধি লওঁক, আৰু আপোনাৰ সুন্দৰ গহণাবোৰো পিন্ধক । প্ৰিয়জনৰ সৈতে ভ্ৰমণো বৰ আনন্দদায়ক হ’ব । আপুনি জীৱনৰ এক ভাল সময় উপভোগ কৰিব । ব্যৱসায়ী আৰু বৃত্তিধাৰীসকলৰ বাবেও সময়টো বৰ ভাল । আপোনাৰ সামাজিক মান বৃদ্ধি পাব পাৰে, আৰু আপোনাৰ অভাৱনীয় সৌভাগ্যলাভ হ’ব পাৰে ।
বৃশ্চিক ৰাশি– Brischik Rashi Prediction
পুৱাৰেপৰা আপুনি হঠাতে নিজক তজবজীয়া অনুভৱ কৰিব, চাৰিওফালে এক ইতিবাচক পৰিৱেশো অনুভৱ কৰিব । সেই কাৰণে আপোনাৰ বাবে ফুল অধিক সুগন্ধযুক্ত হৈ উঠিব, মলয় বতাহত অধিক শীতলতা অনুভৱ কৰিব আৰু নিজৰ প্ৰেয়সীৰ কণ্ঠ অধিক মধুৰ যেন লাগিব । আপুনি নিজেই আচৰিত হৈ যাব যে, আপোনাৰ লগত এইবোৰ কি হৈ আছে। হঠাতে সকলো বস্তু আপোনাৰ বাবে সুন্দৰ হৈ উঠিব । এনেকুৱা সাধাৰণতে আপোনাৰ নহয়! এই সমটোক উপভোগ কৰক, আপোনাৰ গ্ৰহৰ অৱস্থান বহুত ভাল হৈ আছে । ভাল বস্তু যিমানপৰ থাকে, তাক উপভোগ কৰি যাওঁক! অংশীদাৰ আৰু সহকৰ্মীসকলৰপৰা সহযোগিতা লাভ কৰিব আৰু পিতৃ-মাতৃৰপৰা উত্সাহজনক সংবাদ পাব । আৰ্থিক লাভৰ যোগ আছে । ৰৈ থকা কামবোৰ আপুনি অতি সহজতে সম্পন্ন কৰিব পাৰিব।
ধনু ৰাশি– Dhanu Rashi Prediction
আপোনাৰ গ্ৰহৰ জটিল অৱস্থান এতিয়াও ঠিক হোৱা নাই। সেই কাৰণে আপুনি অসুস্থ আৰু মানসিকভাৱে অস্থিৰ হৈ থাকিব পাৰে । খোৱালোৱা সম্বন্ধে সতৰ্ক থাকক, কাৰণ হজম সম্বন্ধীয় অসুখ হোৱাৰ যোগ আছে । যোৱা দুই দিন ধৰি আপুনি যি উদ্বেগত ভুগি আছে, তাৰ কাৰণে এচিডিটিও হ’ব পাৰে । আপুনি অলপতে আৰম্ভ কৰা কোনো প্ৰকল্প বা কেইদিনমান আগতে দিয়া সাক্ষাত্কাৰক লৈ হয়তো বৰকৈ চিন্তা কৰি আছে । এইবোৰৰ ফল পাবলৈ বিলম্ব হ’ব । আপুনি সন্তানক লৈয়ো হয়তো দুশ্চিন্তা কৰি আছে। দীঘলীয়া এক উশাহ লওঁক আৰু যি যেনেকৈ হৈ আছে, তাক তেনেকৈয়ে হৈ যাবলৈ দিয়ক ।
মকৰ ৰাশি– Makar Rashi Prediction
আজিৰ দিনটো টোপনি টোপনি লাগি থাকিব, এলেহুৱা লাগি থাকিব । যাৰ ফলত আপুনি নিস্তেজ আৰু নিশকতীয়া অনুভৱ কৰি থাকিব । আজিৰ দিনটো এনেকুৱা সৰুসুৰা অসুবিধা লাগিয়ে থাকিব, বাধা-বিপত্তি আহিয়ে থাকিব । যাৰ ফলত আপুনি কোনো কামত ভালকৈ আগবঢ়ি যাব নোৱাৰিব বা কোনো কামত মনোযোগো দিব নোৱাৰিব । আনকি আপোনাৰ চাৰিও ফালে থকা মানুহেও আপোনাক সহযোগিতা নকৰিব । আজি গোটেই দিন বহু সমস্যা ভুগিবলগীয়া হ’ব! ধৈৰ্য ধৰি থাকক আৰু সতৰ্ক থাকক । তৰ্কালোচনা হয়তো এটা শিল্প হ’ব পাৰে, এই শিল্পত আপোনাৰ পাৰদৰ্শিতাক লৈ আপুনি হয়তো নিজক লৈ গৰ্ব কৰিব পাৰে, কিন্তু এতিয়া এই পাৰদৰ্শিতা দেখুওৱাৰ সময় নহয় । তুচ্ছ বিষয়ক লৈ আলোচনা অহেতুক সংঘাতৰ সৃষ্টি কৰিব পাৰে, যি আপোনাক আঘাত দিব, যাৰ বাবে আপুনি অপমানিত বোধ কৰিব ।
কুম্ভ ৰাশি – Kumbh Rashi Prediction
এতিয়া সৰহভাগ নেতিবাচক চিন্তা আপোনাৰ মনৰপৰা আঁতৰি যাব একেবাৰে । আজিৰ দিনটো যোৱা এপষেকৰ আটাইতকৈ আনন্দদায়ক দিন হৈ উঠিব আপোনাৰ বাবে । আপুনি হাঁহি-ফুৰ্তিৰে থাকিব, আনন্দ অনুভৱ কৰিব আৰু আপোনাৰ ইচ্ছা হ’ব বাহিৰত ওলাই গৈ মানুহক লগ ধৰা । এই উত্সাহ ইতিবাচক মনোভাৱ আৰু সৌভাগ্য কঢ়িয়াই অনা গ্ৰহৰ আনুকূল্যত আপুনি ভ্ৰমণত যোৱাৰ পৰিকল্পনা কৰিব পাৰে বা পৰিয়ালক লৈ সৰুসুৰাকৈ প্ৰমোদভ্ৰমণতো যাব পাৰে । আপুনি মৰম ভাইভনী আৰু পৰিয়ালৰ অন্যান্য সদস্যৰ সংগ উপভোগ কৰিব । আৰু আপুনি নিজৰ সুস্বাস্থ্যকো উপভোগ কৰি যাব । বিদেশৰপৰা আপোনাৰ কোনো ভাই বা ভনী বা কোনো ঘনিষ্ঠ বন্ধু আপোনাৰ ঘৰত আহিব পাৰে ।
মীন ৰাশি– Min Rashi Prediction
আজিৰ দিনটো মধ্যমীয়া । কিন্তু ইয়াৰ অজুহাতত আপুনি সেই দৈনন্দিন অভ্যাসবোৰক আওকাণ নকৰিব, যিবোৰ আপুনি অলপতে গঢ়ি তুলিছে । গ্ৰহৰ অৱস্থান সামান্য উন্নত হৈছে, কিন্তু এতিয়াও সম্পূৰ্ণকৈ ভাল হোৱা নাই । বাহিৰত খাবলৈ নাযাব । স্বাস্থ্যকৰ খাদ্য ৰান্ধক আৰু নিজক শাৰীৰিকভাৱে সুস্থ ৰাখক । মানসিক স্বাস্থ্যৰ ক্ষেত্ৰতো একে কথা প্ৰযোজ্য । মানসিক শান্তি অটুত ৰাখিবলৈ মেল নাপাতিব বা বিতৰ্কিত কথাবতৰাত অংশ নল’ব । নেতিবাচক প্ৰভাৱৰপৰা দূৰত থাকক ।
লগতে পঢ়ক : Slab Falls From Maligaon Flyover : মালিগাঁৱত অঘটন, নিৰ্মাণাধীন উৰণীয়া সেঁতুৰ লোহাৰ প্লেট পৰি আহত দুজনলোক