ডিজিটেল ডেস্ক:-শুকুৰবাৰে নিশা মঙলদৈৰ নিকতটৱৰ্তী মোৱামাৰীত সৃষ্টি হয় এক উত্তপ্ত পৰিস্থিতিৰ । মঙলদৈৰ ব্যৱসায়ী প্ৰবিত্ৰ ডেকাই শূন্যলৈ গুলী চালনা কৰে। ফলত সংঘটিত হয় এক উত্তপ্ত পৰিস্থিতিৰ। জানিব পৰা মতে পবিত্ৰ ডেকাৰ ডাম্পাৰ বাহনে স্কিল ইউনিভাৰ্ছিটিৰ বাবে মাটি কঢ়িওৱাৰ কাম কৰি আছিল।উক্ত স্থানত সঘনাই ঘটি আছে দুৰ্ঘটনা। যোৱা ২/৩ মাহৰ ভিতৰত কেইবাজনো লোকৰ দাম্পাৰ আৰু ট্রেক্টৰৰ খুন্দাত মৃত্যু হোৱাত অতিষ্ঠ হৈ পৰিছে স্থানীয় ৰাইজ। তাৰ মাজতে সেই ডাম্পাৰ আগভেটি ধৰে একাংশ লোকে।ডাম্পাৰৰ চালকজনক এই লোকসকলে সেই পথেৰে ডাম্পাৰ চলোৱাৰ বাবে বিভিন্ন দাবী, ধমকি দিয়ে। এই দলটোত আছিল প্ৰায় ২০/২৫ জন লোক। লোকসকলে ডাম্পাৰখন ৰখাই থোৱাৰ সময়তে সেই স্থানত গৈ উপস্থিত হয় পবিত্ৰ ডেকা।ইয়াৰ পিছতে উত্তেজিত ২০/২৫ জনীয়া লোকৰ দলটোৱে তেওঁক লাঠি, টাঙোনেৰে প্ৰহাৰ কৰে। ফলত তেওঁৰ মূৰ ফালি যায়। উপায়হীন হৈ তেওঁ অনুজ্ঞাপত্ৰ থকা পিষ্টলেৰে শূন্যলৈ গুলী চালনা কৰি নিজৰ প্ৰাণ ৰক্ষা কৰে।ভাগ্যক্ৰমে কোনো লোক হতাহত হোৱা নাই । এই ঘটনাক কেন্দ্ৰ কৰি মঙলদৈত তীব্ৰ উত্তেজনাই বিৰাজ কৰিছে।
